Theudericus II (rex Burgundiae)

Theudericus II (Francogallice: Thierry II; natus 587, mortuus Mettis 613) erat rex Francorum ab anno 596 ad usque mortem. Fuit primo rex Burgundiae et tum Austrasiae.

Vide etiam paginam fere homonymam: Theodoricus (discretiva).

Fuit filius secundus Childeberti II regis, qui Austrasiam et Burgundiam partes regni regebat. Iam anno 589 ut vicarius regni Cabillonum missus est, frater Theudebertus II Suessonas. Patre eorum anno 596 mortuo, mater Childeberti Brunihilda pro ambobus nonnullos annos regnavit.

Anno 600, fratres Chlotarium II, qui Neustriam administravit, pugna vicerunt; anno 602 Vascones pulsi sunt. Sed anno 604, Theudebertus II bello fratris renovato cum Chlotario II non interfuit, quod factum fratres abalienavit. Cum Theudebertus Avaros regno arcebat, Theudericus bellum contra fratrem parabat. Avaros anno 611 ad incursiones in regnum Theudeberti invitavit fratrem bello vicit et eum cum filiolo necavit. Sed paucis mensibus post anno 613, subito mortem obiit. Successor fuit filius parvus Sigibertus II, in cuius nomine Brunihilda proavia regnavit.

Nexus externi

Lexica biographica: Gran Enciclopèdia Catalana • Deutsche Biographie •