Starodubum

Starodubum^[1] vel Starodubia^[2] (Russice Starodub, Стародуб), urbs est Russiae, in regione Branscensi, circa 19 milia incolarum (anno 2018) habens.

Historia

Starodubum vetus

A saeculo undecimo notum, Starodubum medio saeculi quattuordecimi metropolis ducatus in Magno Ducatu Lituaniae erat. Anno 1379 a Demetrio Tanaitico captum erat, sed non retentum. Anno 1503 Ioannes Magnus Starodubum ad Moscoviam adiunxit. Tempore belli dicti Starodubiani anno 1535 Lituani ducibus Nicolao Radivillo Rufo et Ioanne Amore Tarnowski ad Starodubum aggressi sunt; primum impetum Theodorus Ioannis f. Ovcina-Obolenskij Moscovitarum dux fortiter repulsit, sed postea urbs capta est et permulti captivi a Lituanis occisi sunt. In libro primo Radiviliadis Ioannis Radvani hoc bellum describitur^[3]. Urbs incensa est, sed mox refecta.

Nota

↑ Augustini Gudicani Polonia, p. 18; Antonii Possevini Moscovia, p. 309
↑ In Radiviliade Ioannis Radvani, Vilnae, 1592, p. 16—18.
↑ Vide supra.

Nexus externi

Vicimedia Communia plura habent quae ad Starodubum spectant.

Situs geographici et historici: Locus: 52°35′0″N 32°46′0″E • GeoNames • Thesaurus Getty • Большая российская энциклопедия

[1] Augustini Gudicani Polonia, p. 18; Antonii Possevini Moscovia, p. 309

[2] In Radiviliade Ioannis Radvani, Vilnae, 1592, p. 16—18.

[3] Vide supra.

[1]

[2]

[3]