Sponsio atheistae
Sponsio atheistae, notio a Michaele Martin (1932–2015), philosopho analytico Americano, populo gratissima facta, atque in Atheism: A Philosophical Justification ('Atheismus: apologia philosophica'), libro anno 1990 divulgata, est sponsioni Pascalianae responsum atheisticum, exsistentiam Dei negans.
Explicatio recensere
Sponsio est id: Homo qui examinat optiones vitae agendi concludet:[1][2][3]
- Potes recte vivere et credere deum esse cum deitas benevolens exstat; eo casu iunges caelum ac faenus tuum infinitum erit.
- Potes recte vivere et non credere deum esse cum deitas benevolens exstat; eo casu iunges caelum ac faenus tuum infinitum erit.
- Potes recte vivere et credere deum esse cum deitas benevolens non exstat; eo casu mundo bonum leges ac faenus tuum finitum erit.
- Potes recte vivere et non credere deum esse cum deitas benevolens non exstat; eo casu mundo bonum leges ac faenus tuum finitum erit.
- Potes improbe vivere et credere deum esse cum deitas benevolens exstat; eo casu iunges infernum ac damnum tuum infinitum erit.
- Potes improbe vivere et non credere deum esse cum deitas benevolens exstat; eo casu iunges infernum ac damnum tuum infinitum erit.
- Potes improbe vivere et credere deum esse cum deitas benevolens non exstat; eo casu mundo malum leges ac damnum tuum finitum erit.
- Potes improbe vivere et non credere deum esse cum deitas benevolens non exstat; eo casu mundo malum leges ac damnum tuum finitum erit.
Haec tabula valores variorum eventorum monstrat:
| Exstat deitas benevolens | Non exstat deitas benevolens | |||
|---|---|---|---|---|
| Credere deum esse (C) | Non credere deum esse (¬C) | Credere deum esse (C) | Non credere deum esse (¬C) | |
| Bona vita (V) | +∞ (caelum) | +∞ (caelum) | +X (bonum legatum) | +X (bonum legatum) |
| Mala vita (¬V) | -∞ (infernum) | -∞ (infernum) | -X (malum legatum) | -X (malum legatum) |
Martin affirmat hunc exitum concludere poscere optionem bonae vitae semper meliorem esse, utrum deitas exstet an non exstet.
Notae recensere
- ↑ Michael Martin, Atheism: A Philosophical Justification, anno 1990, p. 232–238.
- ↑ "The Atheists Wager".
- ↑ Pascal's Wager as an Argument for Not Believing in God.
Bibliographia recensere
- Berry, Alvin F. 2011. What If...the God of the Bible Exists...Does It Really Matter at the End ... Dog Ear Publishing. ISBN 9781457500206.
- Martin, Michael. 1983. Pascal's Wager as an Argument for Not Believing in God. Religious Studies 19(1): 57–64.
- Martin, Michael. 1990. Atheism: A Philosophical Justification. Philadelphiae: Temple University Press.
- Stahl, Philip A. Atheism: A Beginner's Handbook: All You Wanted to Know About Atheism and Why. ISBN 9780595427376.
Nexus externi recensere
- The Atheists Wager. Philosophy of Religion.