Quantum redactiones paginae "Medea (Euripides)" differant

'''''Medea''''' ([[Graece]] {{Polytonic|Mήδεια}}) est [[tragoedia]] quam [[Euripides]] anno [[431 a.C.n.]] docuit quaeque tertias tulit. Laureatus fuit [[Euphorion]], secundas tulit [[Sophocles]]. In tetralogia ab Euripide Dionysiis hoc anno proposita fuerunt insuper duae tragoediae ''[[Philoctetes (Euripides)|Philoctetes]]'' et ''[[Dictys (Euripides)|Dictys]]'' hodie maximam partem deperditae et fabula satyrica ''Messores''<ref>Argumentum [[Aristophanes Byzantius|Aristophanis grammatici]]. Iam illius tempore ''Messores'' perierant.</ref>. Fabula necem a matre (Medea) duobus filiolis illatam explicat. Hoc argumentum nec Sophocles nec Aeschylus tractaverunt<ref>Ita Aristophanis argumentum.</ref> sed fontes antiqui posteriores<ref>Anonymi argumentum qui testimonia [[Dicaearchus|Dicaearchi]] et [[Corpus Aristotelicum|pseudepigraphi Aristotelis]] invocabat. [[Diogenes Laertius]] II.10. [[Suda]].</ref> - modica fide digni ut nonnullis modernis criticis videntur - Euripidi obiecerunt quod fabulam suam e tragoedia cuiusdam [[Neophron|Neophronis]]<ref>120 tragoedias docuisse traditur, e quibus unus tantum titulus (Medea) ad nos pervenit.</ref> duxissetː eruditi hodierni dubitant an re vera illa tragoedia e qua paulo plus quam viginti versus<ref>Novem apud scholiastas Euripidis, quindecim apud [[Ioannes Stobaeus|Stobaeum]].</ref> exstant Euripidea ''Medea'' anterior fuerit<ref>De hac controversia certior fies si editionem Euripidis apud [[Collection des Universités de France]] legerisː tomus I pp 110-114. Vide etiam recentius Anna Zouganelli, "Néophron à l'origine de la Médée d'Euripide", ''Revue des Études Grecques'', 2017ː 687-697.</ref>. Certe ineunte cursu honorum anno [[455 a.C.n.]] Euripides in ''[[Peliades|Peliadibus]]'' Medeam iam in scaenam induxerat.