Quantum redactiones paginae "Su Shi" differant

'''Su Shi''' ([[Sinice]] 蘇軾, natus [[8 Ianuarii]] [[1037]], mortuus [[24 Ianuarii]] [[1101]]), [[cognomentum Sinicum|cognomento]] Zizhan (子瞻), nonnumquam et Hezhong (和仲), [[appellatio Sinica|appellatione]] Dongpo Jushi (東坡居士), [[Sinae|Sinarum]] [[scriptor]], [[poeta]], [[artifex]], [[calligraphia|calligraphus]], [[medicus]], [[politicus|rei publicae peritus]], [[Hancheum|Hanchei]] et [[Siucheum|Siuchei]] urbium praefectus, praeses academiae et tribunalis; quibus officiis functus causa [[factio]]num [[res publica|rei publicae]] inimicarum saepius in [[exsilium]] deiectus, donec revocatus crimine condonato in itinere annos sex et sexaginta natus vita excessit<ref>P. Angelus Zottoli, ''Cursus litteraturae Sinicae neo-missionariis accomodatus''. [https://archive.org/details/cursuslitteratu01zottgoog/page/n18/mode/2up p. XIV.]</ref>.

— Sou doctor ''[h.e. Su Shi]'' ait : "Hospes an etiam noverit illam aquam atque lunam? Transiens illa hoc pacto, et tamen haud dum abiit; plena cavaque ista eo pacto, et tandem nulla imminuta aut aucta. Scilicet si vis ex ipsius mutabili inspicere aliquid, tunc caelum et terra iam nec poterunt putari oculi coniectus : at ex ipsius non mutabili inspicias illud, tuncque res atque ego aeque caremus termino, sicque iam ad quid amabis? Praeterea huius caeli terraeque medio, res singulae habent dominum; et si non sit ego quod possideo, vel unum pilum adhuc non sumam : tantum super amnem purus ventulus atque inter montes clara luna, auri assequenti ipsum factus sonus et oculo offendenti illam facta color, captantur nullo prohibente et usui sunt quin consumantur; scilicet creatore rerum haud penitus recondente, ego cum te iis simul fruimur."<ref>P. Angelus Zottoli, ''Cursus litteraturae Sinicae neo-missionariis accomodatus''. [https://archive.org/details/cursuslitteratu01zottgoog/page/n476/mode/2up p. 419.]</ref>