Quantum redactiones paginae "Res publica Sinarum" differant
Content deleted Content added
Linea 16:
=== Tempus tumultuosum (1912–1927) ===
Mox tumultus inter eas factiones erupit; causa huius proxima est, quod [[Song Jiaoren]], socius Sun Yat-sen duxque id temporis Kuomintang, anno [[1912]] suffragiis populi summae auctoritatis in [[Conventus nationalis rei publicae Sinarum|conventu nationali]] potitus, [[Sciamhaevum|Sciamhaevi]] ineunte veri suspiciosius est interfectus. Nec liquet, utrum Yuan Shikai iussu annon, dum modo credibile videretur omnibus; equidem Sun Yat-sen ceterique socii novas iterum res moliti, proeliis decertatis, devicti penitus [[Iaponia]]m in exsilium refugerunt. Kuomintang proscripta, dimissa conventu nationali omnia in praesidem cecidere, qui tum [[1914]] anno restitui imperium seque imperatorem fieri pronuntiavit. Ea fama vulgata, statim insperatae novae defectiones, praetexto rei publicae tuendae, ab interna exercituum imperialium sunt exortae. Has cum videret Yuan Shikai se nequire comprimere, serius renovationem imperii abiurans quam oportet; nam tertio anno gravescente valetudine, aestate media decessit vita, nullis in re publica reliquis, qui rerum potiri valerent. Secuti tot duces deproeliantes, quot erant provinciae; res autem publica, quamvis inpotens imperare, factionibusque Sun Yat-sen et Yuan Shikai iam pugnantibus, Pechini manebat.
Iam refugus dudum Iaponiae Sun Yat-sen, confirmandamque rem publicam et duces militum subigendos ratus, anno [[1917]] reversus [[Quancheum|Cantoniam]] paratum in duces provinciales bellum. Tunc enim [[primum bellum mundanum|primo bello mundano]] contra [[Germania]]m res publica interfuit, ut coloniae huius in Sinis liberarentur; nec bellum aliter perfectum, quam Germania victa anno tertio, neque tamen coloniae eius, ut [[Deliberatio de pace componenda Lutetiae facta (1919)|decretum est Lutetiae]], in manu Sinarum redditae, sed assignatae Iaponiae; quam cum famam accepisset, statim ad vias ruere cunctis in urbibus turbae contra eos qui summam rerum administrant, deseruisseque et prodidisse civitatem credentes. Is autem reficiens Kuomintang, bello cum Pechino moto, neque verum auxilii gentium Europaeum potiri valens, cum libertatis causam subvenire eas arbitratus subsidium poposcisset, sese ad recenter conditam [[Unio Sovietica|Sovieticam Unionem]] advertit.
=== Decem anni Nanjing (1927–1937) ===
| |||