Quantum redactiones paginae "Sociolinguistica" differant

'''Sociolinguistica''' est descriptivum effectuum omnium rerum [[societas humana|societatis]] studium, inter quas [[norma (sociologia)|normae]] [[cultura]]e, exspectationes, et contextus de usu [[lingua]]e et quo modo societas linguae valet. Sociolinguistica a [[sociologia linguae]] differt quia [[sociologia]] linguae rationem tractat per quam lingua in societate valet, cum autem sociolinguistica rationem tractat per quam societas in lingua valet. Sociolinguistica cum [[pragmatica]] magnopere congruit. Cum [[anthropologia linguistica]] in [[historia]] artissime conectitur, et discrimen harum disciplinarum in dubium vocatum est.<ref>Gumperz et Cook-Gumperz 2008.</ref>

Sociolinguistica [[varietas (linguistica)|variationem]] inter greges a certis [[variabilis|variabilibus]] socialibus separatos (e.g., ab [[ethnos|ethnicitate]], [[religio]]ne, [[status socialis|statu sociali]], [[genus|genere]]<!--gender-->, [[gradus|gradibus]] [[educatio]]nis, [[aetas|aetate]]<!--age-->) et regulas creatas et adhaesas ad homines in [[classis socialis|classes sociales vel sociooeconomicas]] describendos etiam tractat. Quia usus linguae inter locos et [[classis socialis|classes sociales]] variat, sociolinguistica [[sociolectos|sociolectos]] investigat. [[Gulielmus Labov]], conditor sociolinguisticae saepe habitus, quantitativo variationis et mutationis linguae studio praecipue innotuit,<ref>Paolillo 2001; Tagliamonte 2006.</ref> sociologiam linguae [[disciplina academica|disciplinam academicam]] reddens.