Quantum redactiones paginae "Associatio omnium gentium non nationalis" differant

== Historia ==

Societas [[Praga]]e anno 1922 condita est, cum in multis [[Europa]]e terris rerum novarum desiderium vigeret. Fundationem acceleravit [[democratia socialis|democratiae socialis]] conversio ad amorem [[patria]]e [[Primum bellum mundanum|Primo bello mundano]] incohante. Inter conditores excellebat [[Eugenius Lanti]]. Membra SAT intellexerunt haud sufficere laudes internationalismi sine praxi. Etiam internationalismus [[Unio Sovietica|Sovieticus]] multis abominandus habebatur, quippe qui hegemoniam factionis communisticae absolutam corroboraret. Nationalismum religionem surrogativam esse agnoverunt, religionem bellicosam mortiferamque.

== Associatio editrix ==

Periodicum SAT vocatur ''Sennaciulo'' ('Homo nationis egens'). Natio hic minime ethnice intellegatur, sed sensu statuum hodiernarum civitatum. Multae aliae editiones sunt variarum factionum inter Associationem anationalem (e.g. hominum viridum, communistarum, vegetariorum). Insuper associationes regionales quoque res suas linguis vernaculis publicant. Maximi autem momenti est editio glossarii monolinguis qui vocatur ''Plena Ilustrita Vortaro''.<ref>[http://www.vortaro.net Versio interretialis hic videnda; inter omnes Esperantistas summam auctoritatem habet].</ref>