Quantum redactiones paginae "Vimaria" differant

Tum [[Franciscus Liszt]] musicographus et [[Franciscus Dingelstedt]] dramaturgus excellebant. Dingelstedt Societatem Shakespeare et Societatem Goethianam necnon Scholam orchestralem Vimariensem condidit. Post 1850 Schola superior architecturarum aperta est, unde postea universitas evenit. Anno 1885 Museum nationale Goethianum ianas patefecit et postea Archivum de Schiller et Goethio inauguratum est. [[fridericus Nietzsche|Friderici Nietzsche]] habitatio Vimariensis hodie quoque archivum cum museo est.

 

Anno 1919 in theatro aulico Respublica Vimariana proclamata est. Die [[11 Februarii]] [[1919]]<ref>Geo-Epoche, ''Die Weimarer Republik,'' no. 27, p. 21.</ref> primum Conventus Nationalis post cladem [[Imperium Germanicum|Imperii Germanici]] in [[Bellum Orbis Terrarum I|Bello Orbis Terrarum I]] et abdicationem [[imperator]]is [[Gulielmus II (Imperator Germaniae)|Gulielmi II]] se congregavit. Nova res publica ergo [[Res Publica Vimariana]] dicitur.Anno 1920 Vimaria caput terrae [[Thuringia]]e nominata est. Anno 1919 [[Gualterius Gropius]] educatorium artibus excolendis nomine ''Bauhaus'' aperuit, cuius protagonistae anno 1925 [[Dessavia]]m ierunt. Eorum notiones a priscorum morum studiosis vehementissime oppugnatae erant. Inde ab anno 1933 partes haud paucae haud procul a statione ferriviaria sitae demolitae sunt a [[nazismus|nazistis]], ut spatium magnum ad aedes politicas construendas pateret. Anno 1937 [[castra carceralia]] in Silva fagorum (Buchenwald) creata sunt, tempore postbellico occupatores [[Unio Rerum Publicarum Sovieticarum Socialisticarum|Sovietici]] castra eadem diutius usi sunt.