Quantum redactiones paginae "Blasius Pascalis" differant

'''Blasius Pascalis'''<ref>[http://books.google.com/books?id=CycPAAAAIAAJ&pg=RA1-PA61&lpg=RA1-PA61 Sepulchrum]</ref> (aliter '''Paschalis''', '''Pascalius''', nomen plumae '''Ludovicus Montaltius''', [[Augustonemetum|Augustonemeti]] natus [[19 Iunii]] [[1623]] ; [[Lutetia]]e mortuus [[19 Augusti]] [[1662]]) fuit [[mathematicus]], [[philosophus]] et [[philosophusmoralistae Francici|moralista]] Francicus. Filius [[Stephanus Pascalis|Stephani Pascalis]] regis magistratus, vita opulenta, debili autem salute gavisus est, et plurime mathematica ac [[physica]] coluit studia. Quae tam bene iam ab adulescentia didicit, ut tantum septimum decimum annum agens tractatum de re [[Geometria|geometrica]] conscriberet, undevicesimum dein machinam ad calculandum inveniret. Etiam hodierna physica eum ob studium de pressione commemorat in unitate mensurae ''[[Pascalium (unitas)|Pascalium]]'' appellata, quae 1 [[Newtonium]] per [[metrum quadratum]] indicat.

Ducebat Pascalis religionem Christianam solam condicionem humanam illustrare posse: namque cum primum [[Adam]] et [[Eva]] peccaverunt miseriam toti humano generi intulerunt, atque ab illo tempore vixerunt homines perenne quaerentes beatitudinem quam ab [[Eden]] repulsi perdiderunt. Nam nihil tam animose quam quod iam tentum evanescit desideramus. Homo est miser, cum maiora quam se gnoscere aut accipere nequeat, sed itidem magnus, quando suae conscius miseriae: enim animalia suam nesciunt. Peccato primo effecto, homines ad invidiam, fraudem cupiditatemque versi sunt. Quam ob rem [[ethica]] non lex optima ad bene vivendum, sed tantum exitum diutinae [[consuetudo|consuetudinis]] est; idem ac [[ius]] nascitur a vi, et leges moresque antiqui aegre mutantur non quia valentiores quam novi ducuntur, sed quia antiquo ex tempore iam exstant.