Quantum redactiones paginae "Lucius Gellius Publicola (cos. 36 a.C.n.)" differant
Content deleted Content added
Linea 1:
'''Lucius Gellius Publicola''' erat vir Romanus [[Senatus Romanus|senatorii ordinis]] qui bellis cibvilibus primum, fortasse ob familiares necessitudines magis quam ex firmo consilio, [[Marcus Iunius Brutus|Brutum]] [[Gaius Cassius Longinus|Cassiumque]] secutus est, post [[Proelium iuxta Philippos commissum|Philippensem pugnam]] ad [[Marcus Antonius|Marcum Antonium]] transiit, cuius fidelis fautor usque ad mortem mansit. [[Consul|Consulatum]] anno [[36 a.C.n.]] cum [[Marcus Cocceius Nerva (cos. 36 a.C.n.)|Marco Cocceio Nerva]] gessit.
==De cursu honorum==
Certe iam anno 41 a.C.n. ''quaestor pro praetore''<ref>Ita hodie legi solent litterae QP in nummis. At olim quaestor provincialis a quibusdam ( E. Babelon) legebantur. Nec lectio hodierna omni dubitatione vacat.</ref> Marci Antonii in Asia erat et [[Denarius|denarios]] [[Aureus|aureosque]]<ref>E. Babelon, ''Description historique et chronologique des monnaies de la République romaine,'' 1885 : Gellia 7-8. Crawford, ''Roman Republican coinage'', 517/8.</ref> cudendos curavit, ex una parte capite Marci Antonii, ex altera capite Octaviani notatos.
Anno 36 a.C.n. consulatum a [[Triumviratus|triumviris]] designatus cum Marco Cocceio Nerva gessit. [[Actiaca Pugna|Actiaca pugna]] dextrae parti classis Marci Antonii praeerat<ref>[[Plutarchus]] 65-66.</ref>. Nec quicquam de eo postea accepimus, e quo colligi solet sive in ipsa pugna sive paulo post Gellium obiisse.
| |||