Quantum redactiones paginae "Lucianus Samosatensis" differant

Lucianus utique et in his quae finxit operibus, quidnam novi afferret, eleganter proposuit. Gloriatus est enim [[comoedia]]m a se cum [[dialogus|dialogo]] et generibus aliis esse coniunctam. Quem [[Plato]] invenerat dialogum, eum ad argumenta nova transtulit. [[Satura]]e autem [[Menippus Gadarensis|Menippeae]] inter opera eius notissima sunt, ut quibus Menippi Gadarensis scripta ad itinera libero ingenii volatu effingenda, deos inducendos, arrogantias hominum irridendas dialogi more repetiverit. Menippus quidem ab Atheniensium comoedia vetere profectus est, cuius fabularum generis ipsius Lucianus in libro, qui ''Timon'' inscriptus est, exemplo usus est. ''Dialogi'' vero [[meretrix|''meretricum'']] , quibus illius quasi collegii cum patronis mores cum risisse, tum expressisse videtur, ad comoediam novam spectant. Nihil autem posteri magis aemulati sunt ''[[Dialogi mortuorum|Dialogis mortuorum]]'', quae [[cynismus|cynicorum]] doctrinam redolent.

 

 

[[Fasciculus:Lucian Samosata.warj.png|thumb|Lucianus Samosatensis: imago ficta recentioris aevi.]]