Robigus

Vide etiam paginam discretivam: Robigo (discretiva).

Robigus (-i,m., vel etiam Rubigus) est antiquus deus Romanus a rusticis cultus, cuius feriae publicae, Robigalia, die 25 Aprilis celebrabantur.

Locus Fastorum Praenestinorum ubi Verrius Flaccus Robigalia describit.

De natura dei

Velut personificatio quaedam erat morbi virentium, quae robigo vocabatur ob similitudinem robiginosi ferri coloris: itaque ab agricolis placari debebat, ne segetibus noceret. Quod genus deorum postea ab auctoribus Christianis irrisum est, tamquam antiqui Romani etiam de malis pestibus deos effecissent.

Deus est apud Varronem et Verrium Flaccum, item apud Aulum Gellium. Mox tamen, ut dea, Robigo (-inis, f) cum ab Ovidio Columellaque invocatur tum etiam apud auctores Christianos, id est eodem nomine quo morbus ipse.

Ille deus nomen suum e colore aegrorum virentium duxit : nam 'robus' forma rustica adiectivi rubri est.

Fontes

• Aulus Gellius libro quinto Noctium Atticarum XII,14.
• Columella libro decimo de Re rustica, versibus 341-342.
• Fasti Praenestini
• Ovidius, libro quarto Fastorum versibus 905-942.
• Plinius octavo decimo libro Naturalis Historiae, capitulo 285.
• Varro libro primo Rerum Rusticarum I,6.
  • libro sexto de Lingua Latina, capitulo sedecimo

Plura legere si cupis

• Gilles Denis, "Transmission des idées savantes sur les maladies des plantes à travers les textes Grecs, Latins, Arabes puis modernes", in Monde rural et histoire des sciences en Méditerranée, Presses universitaires de Perpignan, 1998ː 125-150
• Alessandro Locchi, '“Lucus Robiginis in Acqua Traversa”. Un antichissimo culto al V miglio della via Clodia', in Emergenze storico-archeologiche di un settore del suburbio di Roma: la Tenuta dell’Acqua Traversa. Atti della Giornata di Studio, Roma 7 giugno 2003, a cura di F. Vistoli, Romae, 2005ː 151–170.
• Robert Schilling, "Religion et magie à Rome", Annuaires de l'École pratique des hautes études, 1966ː 29-55

Nexus externi

• Hederich, Benjamin: "Robigus" - apud: Gründliches mythologisches Lexikon, Lipsiae 1770, col. 2146-2147
• Daremberg et Saglio