Robertus faber

Robertus (Robertulus) Faber vel aedium faber (Anglice Bob the Builder) est nomen viri, qui partes maximas agit in fabellis ad puerorum puellarumque gaudia commovenda confictis. Quarum fabellarum partes singulae arte imaginum vivacium et se moventium confectae sunt et seriem longam complectuntur. Usque ad hunc diem 158 partes confectae et primo in televisione Britannica editae sunt. Robertum et eius socios Keith Chapman invenit et animo excogitavit.

Nulla Vicipaediae Latinae pagina huc annectitur. Quaesumus in alias commentationes addas nexus ad hanc paginam relatos. Quo facto hanc formulam delere licet. Català No hi ha cap article a la Viquipèdia en llatí que enllaci amb aquest. Si us plau, aneu a una pàgina relacionada amb el tema i afegiu-hi un enllaç que dirigeixi el lector cap aquí. Un cop ho hagueu fet, podreu esborrar la plantilla. Deutsch Kein anderer Artikel der lateinischen Vicipaedia verweist auf diesen. Bitte füge in einem nahverwandten Artikel einen Verweis hierhin ein. Sobald dies geschehen ist, kann diese Vorlage entfernt werden. English No other page on the Latin Vicipaedia links to this. Please go to a closely related page and insert a link pointing here. Once that is done, this header can be deleted. Esperanto Neniu alia paĝo de la latinlingva Vikipedio havas ligilon al tiu ĉi paĝo. Bonvolu iri al teme proksima artikolo kaj meti ligilon tien ĉi. Poste vi rajtas forigi la atentigilon pri ligilmalĉeesto. Italiano Nessun'altra pagina sulla Wikipedia in latino si collega a questo articolo. Vai a una pagina strettamente correlata e inserisci un link che punta qui. Fatto ciò, questa intestazione può essere cancellata. Ostendere Recensere Historiam inspicere

Poculum figura Roberti Fabri ornatum.

Figura et habitus

Robertus faber bracis caeruleis indutus est; tunica eius coloribus quadrangulis ornata est; capiti cassis flava imposita est.

Officia et socii

Robertus in municipio quodam officia, quae ad domos aedificandas, vias et conficiendas et renovandas, homines adiuvandos pertinent, praestare non desinit. Quibus in rebus perficiendis eum amici et socii adiuvant, in quorum numero sunt Guendalina (Anglice Wendy), femina prudentissima et maxime strenua, et quaedam machinae, quae vocibus humanis uti possunt, velut Fossor (Anglice Scoop), machina ad fodiendum apta.

Mores

Saepe eis officia aut periculosiora videntur aut maiora, quam ut facillime perficiantur. Si quis eorum in summam dubitationem et rerum desperationem incidit et interrogavit: „Poterimusne haec perficere?“, socii omnes una voce animum eius et suum confirmare et respondere solent: „Poterimus.“ Hanc vocem, cum vim tamquam oraculi habere et ex Vergilii, poetae optimi, thesauro ("labor omnia vicit": Georg. 1,145) hausta esse videatur, ei, qui res publicas gubernant, libentissime imitantur. Qua de causa Robertus faber et adulescentulis, qui doctrinae studiis dediti sunt, exemplum praebere videtur, quo nihil dignius sit, quod sequantur.

Nexus externi

• De omnibus fabellis in Indice Interretiali Pellicularum (Anglice)
• Situs proprius, www.bobthebuilder.com.

Personae ficticiae

Haec stipula ad personam ficticiam spectat. Amplifica, si potes!

cine-stipula

Haec stipula ad cinematographiam vel ad televisionem spectat. Amplifica, si potes!