Robertus Carr
Robertus Carr, praenominibus plenis Robert John sed saepius Bob Carr appellatus (Matraville natus die 28 Septembris 1947) est politicus Australiae.
In suburbiis Sydnei Novae Cambriae Australis natus, Robertus Carr in eodem suburbio educatus est. Universitatem Novae Cambriae Australis frequentavit. Diurnarius operam dedit, sed ab anno 1983 legatus est conventui provinciali. Minister ab operibus anno 1984, minister ab emptoribus mense Ianuario 1986, primus minister eiusdem provinciae ab anno 1995 factus est. Hoc officium usque in diem 3 Augusti 2005 tenuit eodemque die legationem popularem renuntiavit. Die autem 13 Martii 2012 senator nationalis ministerque a rebus externis nominatus est, prima ministra Iulia Gillard. A binis officiis die 23 Octobris 2013 recedit munusque rectoris instituti coniunctionum Australiae et Sericae apud universitatem technologiae Sydneiensem suscepit.
Bibliographia recensere
- Marilyn Dodkin, Bob Carr: The Reluctant Leader. UNSW Press, 2003. ISBN 978-0-86840-757-9.
- Andrew West, Bob Carr: A Self-made Man. Harper Collins, 2003. ISBN 978-0-7322-7750-5.
