Raimundus I Trencavelli

Raimundus I Trencavelli (mortuus 1167) fuit ab anno 1130 Biterrensis vicecomes, ab anno 1150 Carcassonis vicecomes. Die 15 Octobris 1167 in ecclesia Mariae Magdalenae Baeterrensi a civibus urbis dolo necatus est. Successor eius in vicecomitatu fuit filius Rogerius II Trencavel.

Raimundus Trencavelli fuit filius alter natu Bernardi Atonis vicecomitis Albiensis uxorisque eius Caeciliae. Bis ut videtur uxores duxit, videlicet Adeliciam, e qua genuit:

• Filia, nomine ignoto, quam in matrimonium duxit Rostagnus de Poscheriis
• Caeciliam, quam in matrimonium duxit Rogerius Bernardus I comes Fuxiensis

et postea Sauram, e qua genuit:

• Rogerius Trencavelli vicecomes Baeterrarum (mortuus 1194)
• Raimundus Trencavelli
• Adalais, quam in matrimonium duxit Sicardus de Lautrec (an filiam peperit Aliciam, Balduini Tolosani uxorem futuram, in dubio manet)
• Beatrix, uxor altera Raimundi VI comitis Tolosae

Bibliographia

• Petri Vallium Sarnaii monachi Hystoria Albigensis edd. Pascal Guébin, Ernest Lyon (Lutetiae: Champion, 1926-1939) vol. 1 p. 87

Nexus externi

• "Bernard Aton IV d'Albi [cum filiis]" e Medieval Lands (situs a Carolo Cawley elaboratus apud FMG)