Radulphus Regenvanu

Radulphus, praenominibus vulgaribus Ralph John Regenvanu (Suva in urbe Vitiorum die 20 Septembris 1970 natus) est eruditus et politicus Vanuatus.

Patre politico Vanuatuensi ex insula Malekula orto, matre presbytera Australiana, Radulphus Regenvanu in insulis Vitiensibus Australiaque et Vanuatu educatus est. Alumnus est universitatis nationalis Australianae ubi anthropologiae et archaeologiae studuit. Curator musei nationalis Vanuatuensis, anno 1994 inter conditores consociationis museorum insularum Pacificarum, ab anno 1995 director Loci Culturalis Vanuatuensis^(en) fuit. Legatus est apud parlamentum Vanuatuense pro circulo Portus Vilae a die 2 Septembris 2008. Minister meruit ab anno 2010, variis muneribus, sub primis ministris Sato Kilman, Moana Carcasses Kalosil, Iosepho Natuman. Die 19 Decembris 2017 minister a rebus externis factus est.

Bibliographia

"Regenvanu represents Pacific in new Australian Language Research Centre" in Vanuatu Daily Post (15 Februarii 2015)

Nexus externi

"Hon. Ralph Regenvanu" apud parlamentum Vanuatuense

Ministri rerum externarum Vanuatuenses 2011–


Georgius Wells 2011 • Alfredus Carlot 2011 • Iosephus Natuman 2011 • Alfredus Carlot 2011 • Eduardus Natapei 2013 • Sato Kilman 2014 • Kalvau Moli 2015 • Sergius Vohor 2015 • Havo Moli 2015 • Bruno Leingkone 2016 • Radulphus Regenvanu 2017 • Marc Ati 2020 • Jotham Napat 2022 • Matai Seremaiah 2023 • Marc Ati 2023 • Matai Seremaiah 2023 Opus geopoliticum • Ministri a rebus externis civitatum Australianarum et Pacificarum hodiernarum Capsae cognatae: Primi ministri Vanuatus