RMS Titanic

Titanic fuit magna navis Britannica a Thoma Andrews delineata, quae in primo itinere ad Novum Eboracum, Eduardo Ioanne Smith navarcho, a die 14 Aprilis ad diem 15 Aprilis 1912 ob montem glaciei in Oceano Atlantico Septentrione submersa est. Mille quingenti viatores mortui sunt. Titanic navis maxima in mundo fuit illo tempore, constructa a White Star Line.

Naufragium Titanicae navis.

Historia

Die 10 Aprilis 1912, Titanic (scilicet navis titanica), quae erat maxima, sumptuosissima navis adhuc fabricata, cum primum trans mare Atlanticum profecta est, urbem Southampton in Britannia reliquit. Viatores 1306 et nautae 1899 in navi erant. Sex diebus, postquam profecta erat, illa navis, quae insubmergibilis esse diceretur, sicut monti glaciali occurrit atque in imum mare submersa est. 711 tantum viatores atque nautae superfuerunt, qui ad Novum Eboracum in alia navi, nomine Carpathia, attigerunt.

Iosephus Bruce Ismay, homo negotiosus Britannicus et dux navium societatis White Star Line ad quam RMS Titanic pertinebat, primus navis itineri interesse voluit. Post Titanic naufragium diaria Ismay acri iudicio percensuerunt quia se servavit cum adhuc multae mulieres et pueri in navi erant quae postea in naufragio perierunt.

Clari viatores

• Iacobus Futrelle
• Beniaminus Guggenheim
• Carolus M. Hays
• Isidorus Straus
• Ioannes Iacobus Astor IV

Noti homines superstites

• Molly Brown

Pelliculae

• 1958 - A Night To Rembember
• 1997 - Titanic

Poemata

• H. Padberg SI Titanicae interitus, 1913 (Latine)

Bibliographia

• Brown, Richard G. B. 1983. Voyage of the iceberg: the story of the iceberg that sank the Titanic. Novi Eboraci: Beaufort Books. ISBN 0825301874.

Nexus externus

Vicimedia Communia plura habent quae ad RMS Titanic spectant (RMS Titanic, Titanic (ship, 1911)).