Quinionem vidi aureum

Quinionem vidi aureum (Anglice: I Saw the Figure 5 in Gold vel The Figure Five in Gold) est pictura olearia a Carolo Demuth artifice Americano anno 1928 facta. Quae pictura a futuristis et cubistis impulsa esse dicitur. Tabula illa, qua Demuth Gulielmum Carolum Williams, amicum suum, summa observantia coluit, ad huius refertur poema The Great Figure, quo vehiculum siphonarium per vias Novi Eboraci quadam nocte pluviosa properans describitur. Titulus picturae locutio ex poemate excerpta est.

Demuth

Carolus Demuth pictor innotuit lineis puris figurisque geometricis in imagines insertis, qui modus pingendi precisionismus appellatur. H. W. Janson, vir historiae artis peritus, Demuthium commemorat cum cubismi fautoribus Neoeboracensibus nec non cum futuristis et precisionistis commercium habuisse.^[1]

Notae

↑ Janson 2004: 1031; cf. Halter 1994: 100.

Bibliographia

Dobrzynski, Judith H. 2010. "Where Paint and Poetry Meet," The Wall Street Journal, 10 Iulii.
Eiseman, Alvord L. 1982. Charles Demuth. Novi Eboraci: Watson-Guptill Publications. ISBN 0823013022.
Frank, Robin Jaffee. 1994. Charles Demuth Poster Portraits, 1923–1929. Arthur Schwartz Sales Co. ISBN 9780894670657.
Halter, Peter (1994) The Revolution in the Visual Arts and the Poetry of William Carlos Williams. Cambridge University Press.
Haskell, Barbara (1987) Charles Demuth. Novi Eboraci: Whitney Museum of American Art in association with H. N. Abrams. ISBN 0874270561, ISBN 0810911353.
Janson H. W. & Janson, Anthony F. (2004) History of Art. The Western Tradition. Prentice Hall.
MacDonald, Deanna, & Geoffrey Smith (2008) 100 Best Paintings in New York. Interlink Pub Group Inc. ISBN 9781566566964.

Nexus externi

The United States of America, a catalog from The Metropolitan Museum of Art Libraries (fully available online as PDF), which contains material on this painting (p.127)

[1] Janson 2004: 1031; cf. Halter 1994: 100.

[1]