Quattuor elementa (sculptura)

Quattuor elementa sunt monumentalis sculptura mobilis ab Alexandro Calder sculptore Americano anno 1961 facta. Quae sculptura est motorizatus quattuor laminarum metallicarum grex qui moveri potest. Res est paene triginta pedes alta. Laminae coloribus simplicibus pinguntur. Sculptor hanc rem ex suo exemplari ex anno 1938 fecit.

Quattuor elementa pro Museo Moderno Holmiae.

Quattuor elementa est constructio durabilis quae pro aditu Musei Moderni Skeppsholmen in insula Holmiae stat.

Hoc opus artis Novo Eboraco Holmiam a Ponto Hultén, rectore musei, allatum est, ut esset pars exhibitionis Motus in arte (Suecice Rörelse i konsten), quae exhibitio intra museum a die 16 Maii usque ad diem 10 Septembris 1961 videri poterat.

Bibliographia

• Nieckels, Monica, et Margareta Helleberg. 1996. Calder: Alexander Calder 1898–1976: Moderna museet. Holmiae: Moderna Museet.
• Tellgren, Anna, Martin Sundberg, et Johan Rosell. 2008. The History Book on Moderna Museet 1958–2008. Holmiae: Moderna museet. Gotingae: Steidl.

Nexus externi

• Situs proprius Alexandri Calder.
• Situs proprius Musei Moderni.