Petrus de Crescentiis

Petrus de Crescentiis seu vulgo Pier de' Crescenzi (natus annis circiter 1230/1235; mortuus c. 1320) fuit iuris consultus Bononiensis et scriptor de re rustica. Fuit alumnus Universitatis Bononiensis ubi logicae, medicinae, scentiis naturalibus necnon iurisprudentiae studuit. Iudex et iuris consultus Bononiae inter annos fere 1269 et 1299 operam dedit. Deinde ad villam suam rusticam iuxta Bononiam Villa dell'Olmo (vici Urbizzano municipii Sancti Petri in Casale) recedit ibique librum conscripsit de agri et horti cultura, anno 1309 perfectum, regi Carolo II Neapolitano et Aymerico Placentino, magistro Ordinis Praedicatorum, dicatum. Qui liber, titulo Ruralia commoda recognitus, in manuscriptis circiter 140 servatus est et in editionibus et versionibus 57 inter annos 1471 et 1570 divulgatis.

Labores mensium sicut in libro manu scripto Commodorum ruralium depinguntur. Museum Condé MS 340 f. 303v

Opera

• Ruralia commoda

Bibliographia

Si plus cognoscere vis, vide etiam Ruralia commoda#Bibliographia.

• Johanna Bauman, "Tradition and Transformation: the Pleasure Garden in Piero de' Crescenzi's Liber Ruralium Commodorum" in Studies in the History of Gardens and Designed Landscapes (2002) pp. 99-141
• Robert G. Calkins, "Piero de' Crescenzi and the Medieval Garden" in Elisabeth B. MacDougall, ed., Medieval Gardens (Dumbarton Oaks, 1986) pp. 155-173 (Paginae selectae apud Google Books)
• Jean-Louis Gaulin, "Sur le vin au Moyen Âge. Pietro de' Crescenzi lecteur et utilisateur des Géoponiques traduites par Burgundio de Pise" in Mélanges de l'Ecole française de Rome. Moyen-Age, Temps modernes vol. 96 (1984) pp. 95-127
• Antonio Ivan Pini, "La viticoltura bolognese in due agronomi del trecento: Pier de’ Crescenzi e Paganino Bonafede" in Antonio Ivan Pini, Campagne bolognesi. Le radici agrarie di una metropoli medievale (Florentiae, 1993) pp. 253-263
• Pierre Toubert, "Crescenzi, Pietro de' (Pier, Petrus de Crescentiis)" in Dizionario biografico degli Italiani (Romae: Treccani, 1984)

Nexus externi

• Imagines e libris manu scriptis Commodorum ruralium
• "Crescenzi, Pietro – 14th Century" in History of Horticulture apud universitatem Civicam Ohiensem