De re veneria (Philaenis)
De re veneria (Graece Περὶ Ἀφροδισίων) fuit opus hodie deperditus de aphrodisiis et de meretricum officio, saeculo IV a.C.n. a Philaenide Samia scriptum. Cuiusdam libri oratione soluta de ea re, Philaenidi adscripti, exigua fragmenta nuper reperta sunt inter papyros Oxyrhynchi (P.Oxy. 2891).
E libro sic cognito discimus exstitisse re vera traditionem Graecam scriptorum technicorum de eroticis; eam traditionem hausivit Ovidius dum composuit carmina sua De Arte Amatoria. Philaenidem librumque eius commemorant Timaeus, Aristoteles, Chrysippus Solius, Clearchus Solius, Polybius, Athenaeus, Clemens Alexandrinus.[1] Sed Aristoteles dicit opus Philaenidis carmen fuisse; poeta Aeschrio Samius in "epitaphio Philaenidis" praetendit eam neque meretricem neque scriptorem de re amatoria esse, istumque librum re vera a quodam "Polycrate Atheniensi" scriptum.[2]
Notae
recensere- ↑ Aristoteles, De divinatione per somnium 464b2; Athenaeus, Deipnosophistae 220f, 335b-e, 457d; Polybius, Historiae 12.13; Clemens Alexandrinus, Protrepticus 4.61.; Suda s.v. Demochares.
- ↑ Athenaeus, Deipnosophistae 335c.
Nexus externi
recensere- Fragmentum cum descriptione, ex exhibitione Oxyrhynchus: A City and its Texts (Egypt Exploration Society)
De hac re nexus intervici usque adhuc absunt. Adde, si reppereris.