Occlusiva glottidalis

Occlusiva glottidalis est consonans multis in linguis audita, quae glottide occludenda efficitur ita ut flumen aeris in meatu vocali obstruatur. Quod phonema littera [ʔ] Abecedarii Phonetici Internationalis notatur.

Definitio

Definitio occlusivae glottidalis:

• Modus pronuntiatus occlusivus vel mutus est, id est, aere in meatu vocali occludendo efficitur.
• Pronuntiatus surdus est, eo quod plicae vocales non tremunt.
• Consonans oralis est, eo quod aer meatu nasali occluso per os tantum exit.
• Machinatio aeris pulmoneus est, eo quod aer ex pulmonibus expellitur.

Bibliographia

• John Ellery Clark, Colin Yallop, Janet Fletcher, An Introduction to Phonetics and Phonology. Wiley-Blackwell, 2007. ISBN 9781405130837