Nomen nudum
Nomen nudum in taxinomia, praecipue in nomenclatura zoologica et botanica, est designatio[1] quae nomen scientificum organismi videtur, et olim nomen scientificum fortasse sic destinatum est, sed deficit, quia id non (aut nondum) per descriptionem sufficientem (aut talis descriptionis citationem) prolatum est, et ergo est res nuda, nomen quod ut statim videtur accipi non potest.[2]
Quia nomen nudum ratione non aptum est, auctor posterior verum nomen scientificum potest edere quod litteris unum atque idem est. Si idem auctor nomen impressum praebet, primum ut nomen nudum et deinde ut nomen satis descriptum, cum descriptione quae necessaria formalia explet, tum tempus huius rite rectae editionis tempus constitutionis nominis fit.
Nexus interni
Notae recensere
- ↑ Turland 2013.
- ↑ International Commission on Zoological Nomenclature, "What is a nomen nudum?"
Bibliographia recensere
- Freedman, Jeri. 2006. The applications and limitations of taxonomy (in classification of organisms): an anthology of current thought. Novi Eboraci: Rosen Pub. ISBN 1404204008.
- International Commission on Zoological Nomenclature. 1999. International Code of Zoological Nomenclature. Ed. 4a. ISBN 0853010064.
- Turland, N. 2013. The Code Decoded: A user's guide to the International Code of Nomenclature for algae, fungi, and plants. Regnum Vegetabile, 155. Koeltz Scientific Books. ISBN 9783874294331.