Museum Reuter-Wagner
Museum Reuter-Wagner (Theodisce: Reuter-Wagner-Museum) invenitur Ysenaci in Germania, in villa quadam rustica Friderici Reuter. Villa amoena iacet praeter semitam in qua Castellum Wartburgense aditur.

Museum
recensereAnno 1895 urbs Ysenacum acquisivit villam ab architecto Ludovico Bohnstedt annis 1866-68 constructam in structurae genere quod a renatis artibus nuncupatur. Nunc domus, cuius frontem tres columnae efferunt, museum in honorem domini Reuter est. Nicolaus Oesterlein, fanaticus in musica, Vindobonae museum privatum de Ricardo Wagner cum circa viginti milibus rerum Wagnerianarum instituerat. Iste vir res vendere coactus est. Iosephus Kürschner professor et editor encyclopaediarum, operam dabat, ut municipium Ysenaci collectiones istas Vindobonenses empturum esset.
Ricardum Wagner regione Ysenacensi valde inspiratum et inde museum Wagnerianum exoptandum esse omnibus patebat. Itaque maxima collectio Wagneriana extra Baruthum hodie Ysenaci est: consistit in bibliotheca, libellis artisticis publice affixis, diagrammatibus musicis, tractationibus periodicorum. Domus insuper spectaculis diversis (e.g. matrimonialibus caeremoniis) usurpatur.
Fridericus Reuter
recensereIste scriptor ad Stavenhagen (Megapolis-Pomerania Citerior) anno 1810 natus studens fuit etiam Ienae, ubi corporationi cuidam academicae sese adiunxit. Capitis damnato anno 1833 parcebatur. Usque annum 1840 in carcere fuit, inde ab anno 1845 se litteris lingua Saxonica scribendis dedicavit. Anno 1863 Ysenacum sese contulit ubi animam efflavit anno 1874.
Nexus externi
recensereVicimedia Communia plura habent quae ad Villam Reuter spectant. |
Lege Μουσεῖον Ῥόϊτερ-Βάγκνερ ("Museum Reuter-Wagner") apud Vicipaediam lingua Graeca antiqua scriptam |