Musculus psoas maior

Musculus psoas maior^[1](gen. musculi psoas maioris) est musculus sceletalis membri inferii. Cum musculo iliaco nomine musculi iliopsoas ad trochanterem minorem ossis femoris nexus est.

Cave: notitiae huius paginae nec praescriptiones nec consilia medica sunt.

Musculus psoas maior
M. psoas maior est musculus fusiformis longus inter columnam vertebralem et cavitatem pelvis. M. psoas maior est musculus fusiformis longus inter columnam vertebralem et cavitatem pelvis.
Origo
Processus transversi Th₁₂ - L₄
Insertio
Trochanter minor ossis femoris
Nervus
Plexus lumbalis, rami anteriores L₁ - L_{3 (4)}

Functio musculi est membri inferii flectere. Musculus psoas maior est flector pelvicus potentissimus. Nimirum a positione supina ambi musculi psoas maiores una truncum erigere possunt.

Inflammatio vel dolores circum musculi psoas maiores varios morbos indicare queant.

Etymologia

Psoas est genetivus verbi Graeci ψόα ('lumbus').

Anatomia

Anatomia macroscopica

Origo

Oriuntur musculus a processibus transversis quinque vertebrarum thoracalium duodecimi usque ad lumbalis quarti processum transversum.

Cursus

Ab origine ad insertionem musculus, paululum ad anterius et laterale directus, imprimis deorsum transit. Inferius musculus et tendo suus - una cum musculo iliaco - ante os femoris iacet.

Insertio

Insertat musculi tendo, una cum tendine musculi iliaci, in ossis femoris trochanterem minorem, qui protuberanta minor ossis collo proxime et inferius situs est.

Innervatio

Innervatur musculus a ramis anterioribus radicum L₁-L₄.

Functio

Musculus psoas maior est flector pelvicus pontentissimus. Ei facultas truncum corporis ex positione cubita erigendi est. Cum corporis truncus fixus autem rotatio externa ossis femoris et abductio fit.

Anatomia microscopica

Musculo fibrae musculares typorum I, II_A, et II_X sunt^[2].

Anatomia topographica

Partis superioris musculi situs iuxta columnam vertebralem

Musculus fusi instar in pelvi locatus est. In cursu superiore invenitur musculus psoas maior iuxta columnam vertebralem. Infra cum musculo iliaco conectit.

Iuxta musculus reperiuntur inter alia:

Columna vertebralis
Colon
Arteria et vena iliaca externa
Diversae arteriae et venae lumbales
Nervus femoralis
Nervus genitofemoralis

Physiologia

Musculus psoas maior et artes athleticae

Musculi psoas maiores sunt conexiones unicae inter columnam vertebralem et ossa femorum. Infirmus musculus artibus athleticis adversus potest esse et dorsi dolores oriri queant.

Pathophysiologia

Sarcopenia, textus muscularis extenuatio, morborum variorum cursum deferunt, ut in cancro ovariali^[3] et cancro colorectali^[4].

Examen medicum

Tenuioribus in hominibus perito manu diligenter palpante musculus profunde iuxta columnam vertebralem inveniri potest, quamquam caveatur, ne colon vulneretur. Praeterea IRM ope cursus musculi intraabdominalis facile sequi potest.

Mala morbique musculi psoas maioris

Malum musculi quoque vocatur syndroma psoas^[5]. Inflammatio vel vulnus musculi compressione discorum intervertebralium dolores dorsi inferioris perficere potest, sed etiam:

bursitis musculi,
tendinitis,
abscessus,
spasmus.

Differentia cetera includunt mala aliorum structurarum topographicum proximarum, ut capitis ossis femoris, velut herniae, fracturae osseae.

Notae

↑ Federative Committee on Anatomical Terminology (1998). Terminologia Anatomica. Stuttgardiae: Thieme
↑ Arbanas J., Klasan G. S., et al. (Dec 2009). "Fibre Type Composition of the Human Psoas Major Muscle With Regard to the Level of Its Origin". Journal of anatomy 215 (6): 636-41
↑ Yoshikawa T., Takano M. (Sep 2017). "Psoas Muscle Volume as a Predictor of Peripheral Neurotoxicity Induced by Primary Chemotherapy in Ovarian Cancers". Cancer chemotherapy and pharmacology 80 (3): 555-61
↑ Deng C.-Y., Lin Y.-C. (Mar 2018). Progressive Sarcopenia in Patients With Colorectal Cancer Predicts Survival. 210. pp. 526-32
↑ Tufo A., Desai G. J., Cox W. J. (Aug 2012). "Psoas Syndrome: A Frequently Missed Diagnosis". The journal of the American Osteopathic Assocation 112 (8): 522-8

Nexus interni

Nexus externi

Siccardi M. A., Tariq M. A., Valle C.: Anatomy, Bony Pelvis and Lower Limb, Psoas Major (StatPearsl) (Anglice)

stipula

Haec stipula ad medicinam spectat. Amplifica, si potes!

[FCAT-1] Federative Committee on Anatomical Terminology (1998). Terminologia Anatomica. Stuttgardiae: Thieme

[2] Arbanas J., Klasan G. S., et al. (Dec 2009). "Fibre Type Composition of the Human Psoas Major Muscle With Regard to the Level of Its Origin". Journal of anatomy 215 (6): 636-41

[3] Yoshikawa T., Takano M. (Sep 2017). "Psoas Muscle Volume as a Predictor of Peripheral Neurotoxicity Induced by Primary Chemotherapy in Ovarian Cancers". Cancer chemotherapy and pharmacology 80 (3): 555-61

[4] Deng C.-Y., Lin Y.-C. (Mar 2018). Progressive Sarcopenia in Patients With Colorectal Cancer Predicts Survival. 210. pp. 526-32

[5] Tufo A., Desai G. J., Cox W. J. (Aug 2012). "Psoas Syndrome: A Frequently Missed Diagnosis". The journal of the American Osteopathic Assocation 112 (8): 522-8

[1]

[2]

[3]

[4]

[5]