Mons Sancti Calogeri

Mons Sancti Calogeri
Monte Kronio

Situs in Sicilia

Mons Sancti Calogeri, Italiane recentius Monte Kronio, est mons municipii Saccae in Sicilia. Ad pedem montis iuxta maris litus iacent balnea Sancti Calogeri.^[1] Speluncae nonnullae sub monte latent, quarum nonnullae ab hominibus antiquis frequentabantur.

Strata geologica pelagica Iurassica hic reperiuntur: constituisse censetur montem submarinum litori boreali maris Tethyi adiacentem.

Sudatorium Sancti Calogeri

Inter aedificia balnearia latet spelunca apud Graecos antiquos propter exhalationes calidas iam nota, a recentioribus sicut sudatorium balneorum Sancti Calogeri accepta et nuncupatione stufa di S. Calogero ("sudatorium Sancti Calogeri")^[2] nota. In intimis partibus huius speluncae, ab hominibus aevi Neolithici habitatis, dolia reperta sunt. Vestigiis inspectis satis constat vinum hoc loco iam millennio IV a.C.n. repositum esse.

Notae

↑ "Mons ipse Divo Calogero sacer est, qui olim Mons Gemmariarum dicebatur ... Balnea a Divo nuncupata ..." (p. 589 apud Google Books)
↑ Vide imaginem nostram. Cf. Goethii Winckelmann: "ein Sudatorium oder Stufa ... die neuern schreiben solche dem heiligen Calogero zu" (p. 183 apud Google Books)

Bibliographia

Descriptio balneorum et sudatorii S. Calogeri ("stufa detta di San Calogero di Sciacca") saeculo XVIII divulgata

Hugh C. Jenkyns, "Pelagic "Oolites" from the Tethyan Jurassic" in Journal of Geology vol. 80 (1972) pp. 21-33, spec. pp. 23-25 [
Davide Tanasi et al., "1H-1H NMR 2D-TOCSY, ATR FT-IR and SEM-EDX for the identification of organic residues on Sicilian prehistoric pottery" in Microchemical Journal vol. 135 (2017) pp. 140-147 Epitome
Lorenzo Tondo, "Traces of 6,000-year-old wine discovered in Sicilian cave" in The Guardian (30 Augusti 2017)

Nexus externi

[1] "Mons ipse Divo Calogero sacer est, qui olim Mons Gemmariarum dicebatur ... Balnea a Divo nuncupata ..." (p. 589 apud Google Books)

[2] Vide imaginem nostram. Cf. Goethii Winckelmann: "ein Sudatorium oder Stufa ... die neuern schreiben solche dem heiligen Calogero zu" (p. 183 apud Google Books)

[1]

[2]