Mimidae

Mimidae sunt familia avium passeriformium Mundi Novi quae Toxostomata et socios, Mimos et socios, Cinclocerthias, ac Dumetellas et Melanoptilas comprehendit. Ut nomen significat, hae aves vocalizatione innotescunt, praecipue per facultatem nonnullarum specierum imitationis variarum avium aliorumque sonorum foris auditorum.

Dumetella carolinensis

---

Animalia — Chordata

Classis : Aves 
Ordo : Passeriformes 
Subordo : Passeri 
Infraordo : Muscicapoidea 
Familia : Mimidae 
Bonaparte, 1853

   

Subdivisiones: Genera

Allenia

Cinclocerthia
Dumetella
Margarops
Melanoptila
Melanotis
Mimus
Nesomimus
Oreoscoptes
Ramphocinclus

Toxostoma

Descriptio

Sunt plus quam triginta species mimidarum in generibus duobus maioribus et decem fere minoribus vel monotypicis descriptae. Aspectu sordido et fuliginoso videri solent, quamquam nonnullae sunt atrae vel griseae, et multis quidem sunt irides rubrae, flavae, vel albae. Variant a 20 ad 33 centimeta longae, et a 36 ad 56 grammata ponderis. Multis mimidis est exemplar turdidarum aliquantulum simile: supra fuscum, infra pallidum lineis obscuris aut maculis praeditum. Caudae longiores caudis turdidarum (vel maiorum troglodytidarum, quibus praeterea similes sunt), et rostra longiora sunt, in multis speciebus deorsum incurvantia.

Systematica

• Genus Mimus (10 species, inter quas Mimodes)
• Genus obsoletum Nesomimus, nunc pars generis Mimi = mimidae Insularum Galapagensium (4 species)
• Genus Melanotis (2 species)
• Genus Dumetella
• Genus Melanoptila
• Genus Oreoscoptes
• Genus Toxostoma (11 species)
• Genus Ramphocinclus
• Genus Allenia (olim in Margarops)
• Genus Margarops
• Genus Cinclocerthia (2 species)

Nexus interni

• To Kill a Mockingbird

Bibliographia

• Barber, Brian R., Juan E. Martínez-Gómez, et A. Townsend Peterson. 2004. Systematic position of the Socorro mockingbird Mimodes graysoni. Journal of Avian Biology 35: 195–98. doi:10.1111/j.0908-8857.2004.03233.x.
• Clement, Peter, et Christopher Perrins. 2003. Mockingbirds. The Firefly Encyclopedia of Birds, ed. Christopher Perrins, 534–35. Firefly Books. ISBN 1552977773.
• Curry, Robert L. 2003. Darwin and the mockingbirds of Galápagos.
• Hunt, Jeffrey S., Eldredge Bermingham, et Robert E. Ricklefs. 2001. Molecular systematics and biogeography of Antillean thrashers, tremblers, and mockingbirds (Aves: Mimidae). Auk 118 (1): 35–55. doi:10.1642/0004-8038(2001)118[0035:MSABOA]2.0.CO;2.
• McClure, H. Elliott. 1991. In Encyclopaedia of Animals: Birds, ed. Joseph Forshaw, 183–84. Londinii: Merehurst Press. ISBN 1853911860.
• Sibley, Charles Gald, et Burt L. Monroe, Jr. 1990. Distribution and taxonomy of the birds of the world: A Study in Molecular Evolution. Portu Novo Connecticutae: Yale University Press. ISBN 0300049692.
• Zuccon, Dario, Anne Cibois, Eric Pasquet, et Per G. P. Ericson. 2006. Nuclear and mitochondrial sequence data reveal the major lineages of starlings, mynas and related taxa. Molecular Phylogenetics and Evolution 41 (2): 333–44. doi:10.1016/j.ympev.2006.05.007. PMID 16806992.

Nexus externi

Vide "mimidas" apud Vicispecies.

Vicimedia Communia plura habent quae ad mimidas spectant.

• Pelliculae, ibc.lynxeds.com (Internet Bird Collection)