Milcolumbus, vulgo plene Malcolm Bligh Turnbull (Sydnei natus die 24 Octobris 1954), iuris consultus, est politicus Australiae factionis Liberalis et a die 15 Septembris 2015 ad diem 24 Augusti 2018 primus minister patriae fuit. Alumnus est Universitatis Sidneiensis et Collegii Aenei Nasi apud Oxonienses.

Wikidata Milcolumbus Turnbull
Res apud Vicidata repertae:
Milcolumbus Turnbull: imago
Milcolumbus Turnbull: imago
Milcolumbus Turnbull: subscriptio
Milcolumbus Turnbull: subscriptio
Nativitas: 24 Octobris 1954; Sydneium
Patria: Australia

Familia

Genitores: Bruce Turnbull; Coral Lansbury
Coniunx: Lucy Turnbull
Milcolumbus Turnbull cum muliere anno 2012 Sydnei pictus

Causas anno 1986 pro Petro Wright dixit de divulgatione libri Spycatcher, bono successu; de qua re ipse postea commentarium scripsit. A die 9 Octobris 2004 legatus est ad Parlamentum Australianum pro circulo Wentworth. Minister a circumiectu et aquis a die 30 Ianuarii 2007 ad 3 Decembris 2007 meruit, primo ministro Ioanne Howard. Factione Liberali comitiis nationalibus devicta, dux factionis contrariae in Parlamento fuit a die 16 Septembris 2008 usque ad 1 Decembris 2009, quo die Antonius Abbott dux electus est. Quo deinde primo ministro facto atque mox a factione sua deiecto, Milcolumbus Turnbull die 15 Septembris 2015 dux factionis et ipso facto primus minister creatus est. Nomina aliorum ministrorum post quinque dies nuntiata sunt.[1]

Scripta recensere

Notae recensere

Bibliographia recensere

Nexus externi recensere

Consilium ministrorum Australianum Antonii Abbott 2013–2015
Consilium ministrorum Australianum Milcolumbi Turnbull 2015–2018