Mahometus ibn Nāyif

Mahometus ibn Nāyif ibn ʿAbd al-ʿAzīz Āl Saʿūd, litteris Arabicis محمد بن نايف بن عبد العزيز آل سعود (Geddae die 30 Augusti 1959 natus) est nobilis et politicus Arabiae Sauditae.

Filius est Nāyif ibn ʿAbd al-ʿAzīz familiae regnantis Saʿūd. Collegium Lewis et Clark Portlandiae in Oregonia frequentavit sed sine lauris abscedit. Iuxta tabularium inquisitionum foederale Civitatum Foederatarum ab anno 1985 usque in 1988, iuxta ministerium vigilum metropolitanum Londiniense ab 1992 usque in 1994 studia securitatis contra tromocratiam secutus est. In patriam reditus minister adiutorius a securitate anno 1999, minister vicarius a rebus internis anno 2004, minister principalis a rebus internis die 5 Novembris 2012 factus est. Insuper die 29 Aprilis 2015 princeps coronatus i.e. regno heres nominatus est a rege Salmān.

Rex nihilominus filium suum Mahometum ibn Salmān praeferens, iam ministrum a munitione merentem, ad dignitatem principis coronati die 21 Iunii 2017 elevavit, Mahometo ibn Nāyif ab officiis omnibus eodem die deiecto.

Bibliographia

Ioannes Kerry Riadi die 6 Maii 2015 cum Mahometo ibn Nāyif colloquens, cuius successor futurus Mahometus ibn Salmān ad fundum videtur

"Saudi King’s Son Plotted Effort to Oust His Rival" in New York Times (18 Iulii 2017)
"Saudi Arabia's royal shuffle - All decrees in full" (21 Iunii 2017) apud Al Jazeera

Ministri rerum internarum Arabiae Sauditae


ʿAbd Allāh ibn Fayṣal 1951 • Fayṣal ibn ʿAbd al-ʿAzīz 1959 • Musāʿid ibn ʿAbd al-Raḥmān 1960 • ʿAbd al-Muḥsin ibn ʿAbd al-ʿAzīz 1960 • Fayṣal ibn Turkī al-ʾAwwal ibn ʿAbd al-ʿAzīz 1961 • Fahd ibn ʿAbd al-ʿAzīz 1962 • Nāyif ibn ʿAbd al-ʿAzīz 1975 • Ahmed ibn ʿAbd al-ʿAzīz 2012 • Mahometus ibn Nāyif 2012 • ʿAbd al-ʿAzīz ibn Saʿūd 2017 Opus geopoliticum Capsae cognatae: Reges Arabiae Sauditae