Ludovicus Halévy

Ludovicus Halévy (natus Lutetiae 1 Ianuarii 1834 - ibidem mortuus 7 Maii 1908) fuit auctor et dramatista Francicus qui cum Iacobo Offenbach et Georgio Bizet notissime cooperationes iniit componendo dramata operatica pro scaenis Parisiensibus. Halévy, Academiae Francicae sodalis, in eam anno 1884 cooptatus erat.

Vita

Filius Leonis Halévy scriptoris confecit fabulae libellos in operettas Iacobi Offenbach (e.g. una cum Henrico Meilhac: »Orphée aux enfers«, 1861; »La belle Hélène«, 1865; »La vie parisienne«, 1866; »La grande-duchesse de Gérolstein«, 1867; »Les Brigands«, 1870). Maximi autem momenti est drama de moribus Parisiensibus »Froufrou« (1869). Sequebantur theatrum cum sale »Tricoche et Cacolet« (1872), comoedia »Le mari de la débutante« (1878) et alia. Ingenium facetum eius optime sentitur in historiunculis de vita theatrica Parisiensi: »Madame et Monsieur Cardinal« (1873) et »Les petites Cardinal« (1880), ubi aliquo modo omnes Parisienses plus minusve tractantur atque depinguntur. Porro legamus: »L'Invasion« (1872; collectio commentationum prolatarum in ephemeride »Temps« cum memoria Belli Germano-Francici), »Notes et souvenirs, 1871–1872« (1889). Mythistoria familiarum lepida »L'abbé Constantin« (1882) editionibus plurimis gaudens etiam ex scaenis producebatur. Fabulae Milesiae magnae habeantur etiam »Criquette« (1883), »Karikari« (1892), »Mariette« (1893). Annis inter 1900 et 1902 opera cum Henrico Meilhac edita octo tomis edita sunt sub titulo »Theâtre de Meilhac et Halévy«.

Nexus externi

Vicimedia Communia plura habent quae ad Ludovicum Halévy spectant.

Ludovicus Halévy inter Academiae immortales
nexus apud DDB
Vicifons