Lucius Domitius Ahenobarbus

Lucius Domitius Ahenobarbus (quando natus sit, nescimus; mortuus est anno 25) senator Romanus primo saeculo ante Christum natum fuit.

Stemma Domitiorum qui imperatoris Neronis maiores fuerunt.

Gens

Pater eius Gnaeus Domitius Ahenobarbus anno 32 a.C.n. consul creatus est. Ipse Antoniam Maiorem, neptem Augusti, in matrimonium duxit et anno 29 a.C.n. inter patricios adlectus est. Habuit filium Gnaeum Domitium Ahenobarbum, consulem anni 32 et patrem Neronis, et filias Domitiam et Domitiam Lepidam.

Cursus honorum

Anno 16 consulatum gessit et propter maximos, sed etiam crudelissimos ludos habitos ab Augusto monitus est. Postea anno 12 a.C.n. proconsul Africam administravit et legatus Augusti pro praetore Illyrici ad Albim pervenit. Tum erat dux militum in Germania, ubi frustra Cheruscos in sedes reducere conabatur. Praterea frater Arvalis fuit. Anno 25 mortuus est.

Notae

Antecessores: Gaius Furnius et Gaius Iunius Silanus

Consul 16 a.C.n. cum Publio Cornelio Scipione

Successores: Marcus Livius Drusus Libo et Lucius Calpurnius Piso Pontifex