Lan Fo'an
Lan Fo'an, characteribus Sinicis simplicibus 蓝佛安 (anno 1962 natus in pago Huidong Quantuniae) est politicus Sinarum. Alumnus est collegii oeconomiae et vectigalium Hubeiensis, a quo absolutus apud ministerium vectigalium laboravit. Annis insequentibus praesertim in provincia Quantunia operam dedit, ubi secretarius factionis communisticae urbi Shaoguan anno 2015, gubernator deputatus provinciae Quantuniae anno 2016 factus est. Anno insequenti in provinciam insularum Hainaniam, deinde in provinciam Xansiam missus est: ibi gubernator ad interim a die 4 Iunii 2021 usque in 29 Decembris 2022 meruit. Die 24 Octobris 2023 minister a vectigalibus creatus est, primo ministro Li Qiang, praeside Xi Jinping.
Bibliographia
recensere- "China names Lan Foan as new finance minister amid stimulus push" (24 Octobris 2023) apud Reuters
 | |
|
Bo Yibo 1949 • Deng Xiaoping 1953 • Li Xiannian 1954 • Yin Chengzhen 1970 • Zhang Jingfu 1975 • Wu Bo 1979 • Wang Bingqian 1980 • Liu Zhongli 1992 • Xiang Huaicheng 1998 • Jin Renqing 2003 • Xie Xuren 2007 • Lou Jiwei 2013 • Xiao Jie 2016 • Liu Kun 2018 • Lan Fo'an 2023 Capsae cognatae: Praesides consilii rei publicae popularis Sinarum | |