Laguncula Lugduno-Batava
Laguncula Lugduno-Batava (Batavice De Leidsche Flesch) est machina quae onus electricum conservat. Itaque est primum condensatri exemplum. Laus ob inventionem data est Petro de Musschenbroek, professori Universitatis Lugduno-Batavae, unde nomen machinae.
Anno 1746, Andreas Cunaeus, adjutor Musschenbroek, perfecit experimentum in quo accepit ictum electricum per tangens vas vitreum, aquae plenum, quod imbutum erat onere electrico. Cum Musschenbroek experimentum repetivisset, tam perturbatus est ut numquam id repetere promitteret.[1] Scripsit de re collegae Renato de Réaumur. Epistula Latina in linguam Gallicam a sacerdote Ioanne Antonio Nollet versa est, qui vocabulum bouteille de Leyde excogitavisse videtur.