Etiam mensas consumimus

"Heus! Etiam mensas consumimus" sunt verba divina ab Ascanio dicta, quo tempore Troiani, duce Aenea, primum in Italiam advecti et ad litora sedentes cenam exiguam sumpserunt; mensis enim carentibus, victualia in panes posuerunt panesque ipsos tandem ederunt. Aeneas statim omine recognito

continuo "Salve fatis mihi debita tellus

vosque" ait "o fidi Troiae salvete penates:

hic domus, haec patria est."

Haec verba patris etiam saepius citantur. Aeneas in mente habet prophetia Celaenus Harpyiae, quae talia praedixerat:

"Italiam cursu petitis, ventisque vocatis

ibitis Italiam portusque intrare licebit;

sed non ante datam cingetis moenibus urbem

quam vos dira fames nostraeque iniuria caedis

ambesas subigat malis absumere mensas."

Bibliographia

• Brent Vine, "An Umbrian-Latin correspondence" in Harvard Studies in Classical Philology vol. 90 (1986) pp. 111-127 (Paginae selectae apud Google Books)

Nexus externi

• "La prophétie dans l'Enéide ou le futur du passé: I. Les tables comestibles"

De hac re nexus intervici usque adhuc absunt. Adde, si reppereris.