Ioannes Iacobus Pauvert

Ioannes Iacobus Pauvert, vulgo Jean-Jacques sed nomine nativo Jean-Albert Pauvert (Lutetiae natus die 8 Aprilis 1926; Telone Martio die 27 Septembris 2014 mortuus) fuit editor et scriptor Francogallicus qui contra censuram litterarum militavit.

Apud librarium Gaston Gallimard ab anno aetatis quindecimo laboravit. Libellum periodicum Le Palimugre anno 1945 condidit, mox bibliopolium, deinde domum editoriam suam Éditions Pauvert qua divulgavit imprimis scripta Ioannis Pauli Sartre (Explication de L'étranger), Henrici de Montherlant (Sur les femmes), Ioannis Genet (Les bonnes), Georgii Bataille (Le bleu du ciel). Anno 1953 suadente Ioanne Paulhan edere consentivit mythistoriam eroticam Histoire d'O ab ignotá scriptam, pseudonymo Paulina Réage praefixo, atque mox Anglice vertere et divulgare misit apud domos editoriales Olympia Press et Grove Press.^[1] Iam ab anno 1947 opera marchionis de Sade publice divulgare coepit et anno 1955 ad finem venit, a vigilibus crebriter offensus, civilitate etiam demptá per aliquot annos dum pro eo iuris consultus Mauritius Garçon propugnabat. Annis insequentibus opera favebat scriptorum novorum et iuvenum, inter quos ab anno 1965 Albertinae Sarrazin, ab 1970 Marii Mercier, ab 1974 Franciscae Lefèvre, ab 1982 Birgittae Lozerec'h (quam die 25 Aprilis 2014 in matrimonium duxerit). Mythistoria Ioannis Carrière L'épervier de Maheux anno 1972 praemium Goncourt meruit.

Filiam Camillam e scriptrice Regina Deforges genuit. Domu editoriali ob penuritate lapsa, cum aliis editoribus cooperatus est et cum scriptrice Anna Le Brun. Inter opera manu sua confecta oportet enumerare vitam in tria volumina divisam marchionis de Sade (1986-1988), florilegia litterarum de re veneria (1979-2001 et 2011), libri de vita sua volumen primum (2004).

Notae

↑ De quibus rebus vide St. Jorre (1994 a) pp. 209-240 et St. Jorre (1994 b). Nomen verum auctricis Dominicae Aury, iam Ioanne Iacobo Pauvert aliisque satis paucis cognitum, non ante annum 1994 auctoris St. Jorre gratiá publice divulgatum est.

Opera

1979-2001 : Anthologie historique des lectures érotiques. 5 voll. Lutetiae: Stock
1986-1988 : Sade vivant. 3 voll. Lutetiae: Robert Laffont
1994 : Nouveaux (et moins nouveaux) visages de la censure, suivi de l'Affaire Sade. Lutetiae: Les Belles Lettres
1997 : L'amour à la française, ou l'exception étrange. Lutetiae: Éditions du Rocher
1999 : Apollinaire et Monaco. Lutetiae: Éditions du Rocher
2000 : La littérature érotique. Lutetiae: Flammarion/Dominos
2004 : La traversée du livre, vol. 1. Lutetiae: Éditions Viviane Hamy. ISBN 978-2878581898 [de vita sua]
2011 : Métamorphose du sentiment érotique. Lutetiae: Jean-Claude Lattès
2011 : Mes lectures amoureuses. Lutetiae: La Musardine

Bibliographia

Alain Beuve-Méry, "Jean-Jacques Pauvert, éditeur légendaire et atypique, est mort" in Le Monde (27 Septembris 2014)
Michel Braudeau, "Jean-Jacques Pauvert: l'obsédé de l'édition" in Le Monde (10 Augusti 2007)
Olivier Le Naire, "Jean-Jacques Pauvert: "J'étais l'Arsène Lupin de l'édition"" in L'Express (22 Martii 2004)
John de St Jorre, The Good Ship Venus: the erotic voyage of the Olympia Press. Londinii: Hutchinson, 1994 [a]
John de St Jorre, "The Unmasking of O" in New Yorker (1 Augusti 1994) [b] Epitome

[1] De quibus rebus vide St. Jorre (1994 a) pp. 209-240 et St. Jorre (1994 b). Nomen verum auctricis Dominicae Aury, iam Ioanne Iacobo Pauvert aliisque satis paucis cognitum, non ante annum 1994 auctoris St. Jorre gratiá publice divulgatum est.

[1]