Internationalis hymnus
Internationalis Hymnus (Francogallice: L'Internationale) est totius orbis laboratorum hymnus. Hymnum composuit Gallicus laborator Eugenius Pottier anno 1871 Lutetiae pro insurrecto populo Commune Parisiorum anni 1871 et harmonizavit primo tempore ad hymnum Massaliensem. Postero, anno 1888, proletarius Lillensis musicus Petrus Degeyter idoneam harmoniam composuit qua carmen est totius orbis laboratorum hymnus factus, et versus in permultas linguas. Sovieticarum Socialisticarum Rerum Publicarum Unionis fuit nationalis hymnus ab anno 1922 usque ad annum 1944.
Richari Venturi versio recensere
Haec versio prima est in Latinum sermonem, sed ad harmoniam non adaptatur perfecte. Versionem scripsit Richardus Venturi Ilvanus.[1]
TOTIUS ORBIS LABORATORUM HYMNUS
Carmen ab Eugenio Pottier anno 1871
compositum harmonizavit Petrus Degeyter anno 1888 et
in Latinum vertit Richardus Venturi anno 2005
Surgite, orbis terrarum servi,
surgite, esurientes nunc!
Excutitur tonitru crater
eruptabitque demum.
Tempus actum abiit non redibit
et surgunt turbae servorum nunc!
Terrarum revolvitur orbis,
e nihilo totum erimus!
(Chorus)
Ad postremum proelium
eamus iuncti et cras
Laboratorum hymnus
sociabit homines!
Ad postremum proelium
eamus iuncti et cras
Laboratorum hymnus
sociabit homines!
Non exstat excelsus redemptor,
nec Deus nec Caesar nec tribunus,
servet se ipsum laborator,
et omnium salus servabitur.
Ut fur reddat id, quod abripuit
et in custodiam captivus eat,
est nobis in fucinam inflandum
dum molle ferrum candens est!
(Chorus)
Nos lex auctoritasque opprimunt:
cum pauperi imponatur tributum,
diviti nullum imponitur.
Pauperibus ius numquam exstat,
afflicti languent in servitute!
Ius aequum omnibus est statuendum
ne sit ius ullum sine officiis
neque officium sine iure!
(Chorus)
Ad apotheosin attolluntur
domini saevi metallorum.
Ecquid fecerunt, nisi spoliare
servos qui labore pereunt.
Pecunias et aurum aggerant
funduntque in indigentiae fucina;
sed totum populus decernit
ut sine mora reddatur nunc.
(Chorus)
Reges nos inebriaverunt,
sit nobis pax, tyrannis bellum!
Nobis sunt signa relinquenda,
militiam nobis reicienda est!
Anthropophagi perseverant
nos vertere in heroes,
sed quam primum nostra tela
in omnes duces infodientur.
(Chorus)
In agro, in civitate sumus
laboratorum magna factio!
Hominibus pertinet terra,
numquam ignavis pertinet.
Quam vescuntur nostra carne!
Sed omnes corvi et vultures
aliquo die evanescent,
et in aeternum lucebit sol!
(Chorus)
Versio P. Scotii Horne recensere
CARMEN INTERNATIONALE
in Latinum vertit P. Scotius Horne anno 2005
Consurgite, damnati mundi!
Consurgite, famelici!
Ratione orta moribundi
Pereunt status relici.
Ecce, saeculum vetustum nutat—
Turba servorum, surgite!—
Nam mundus jam penitus mutat:
Qui estis nil, omnia fite!
Hoc est proelium finale;
Congregemur ut cras
Sit Internationale
Unā humanitas.
Nec di nec Caesar nec tribuni
Succurrunt fabris miseris.
Parcentes saluti communi
Prosimus nobismet ipsis!
Opus est fures deturbare
Captumque solvere animum.
Jam decet incudem parare:
Quam fervens tunditur ferrum!
Rex lexque harpagant egentes
Sutelis et vectigali.
Haud obligantur affluentes;
Nil fere prodest humili.
Succedatur mos importunus
Rectis et aequis legibus:
Sit absque jure nullum munus,
Nec absque munere sit jus!
Atroces in apotheose
Officinarum domini
Obsistunt tantum otiose
Laborioso homini.
Quo sudori fructūs optimatum
Ex arcis requirit, et jam
Revocans meritum ablatum
Nil vult nisi justitiam.
Rebellionem faciamus!
Rex nos opprimit pervicax.
Omnes ab signis discedamus!
Tyrannis bellum, nobis pax!
Sanguisugis ut agant ad mortem
Nos milites constantibus,
Dirigentur in malam sortem
Nostrapte tela ducibus!
Opifices et aratores
Juncti, o proletarii!
Nos soli terrae possessores;
Apagete, otiosi!
Corpora nostra tot tabescunt!
Atqui vultures edepol
Omnes ad unum evanescunt,
Et dehinc resplendebit sol!
[2].
Versio Jack Mitchell recensere
HYMNUS INTERNATIONALIS
in Latinum vertit Jack Mitchell anno 2007/2013[3]
Surgite, oppressi orbis terrarum!
Surgite, adesurientes!
Sonat ratio cantu tubarum
Aevi huius cineres.
Tabula fiat nobis rasa —
Io Spartaci omnes surgite!
Et saecla iniquitates passa
Tandem praecipite!
proelio in compurgando
disponamur sic ut cras
gentem quae vivit laborando
victricem videas!
Notae recensere
Nexus externi recensere