Hellulandia
Hellulandia est una ex tribus terris a Leivo Erici filio anno fere 1000 inventis in margine septentrionali et Atlantico Americae Septentrionalis. In fabulis Nordicis describitur esse terra lapidibus planis repleta (Lingua Islandica Antiqua Hellur), unde nomen Hellulandia 'terra saxeae planitiei'. Qua de causa, historici coniciunt Hellulandiam fuisse Insulam Baffinensem in Canada hodierna.
Credibile est exploratores nortmanicos obviam indigenis Escimaeis huius regionis iisse, sed nullum vestigium in utroque cultu civili restant.
Hellulandia fuit prima ex tribus illis terris a Leivo Erici filio visitatis, sed quoniam inhospitabilis esset, statuit pergendum esse in meridiem ad Marklandiam et Vinlandiam.