Guillelmus Montisferrati (Dominicanus)
Vide etiam paginam discretivam: Guillelmus Montisferrati
Guillelmus Montisferrati, fortasse eiusdem familiae Aleramicorum ad quam pertinuerunt marchiones Montisferrati in regione Pedemontio, fuit monachus Dominicanus et missionarius. Iuvenis apud Ugolinum Signinum degens (anno circiter 1216) cum Dominico Oxomensi incedit et de opere missionario apud Borussos sive alios partium borealium habitantes collocutus est. Postea per duos annos apud Parisienses studuit; mense Iunio 1219 Dominicus eum ibi visitavit et in Ordine Praedicatorum induxit. Inde mense insequenti ambo cum fratre Iohanne quodam ad Mediolanum et Bononiam iter fecerunt, inde rursus Florentiam et Viterbium ubi cum papa Honori III incederunt; cum quo Guillelmus manebat amicus. Bononiae fuit anno 1221 quo tempore Dominicus ibi mortuus est. Testimonium suum ad canonizationem Dominici anno 1233 obtulit.
Mox ante annum 1237 Guillelmus in India Maiore patriarcham Nestorianorum in communionem Romanam advehere conabatur. Nihil de eo annis posterioribus refertur.
Bibliographia recensere
- "William di Monferrato[nexus deficit]" in V. F. O'Daniel, The First Disciples of St Dominic (Somerset Ohii: Rosary Press, 1928) Textus[nexus deficit]
- J. Quétif, J. Échard, Scriptores Ordinis Praedicatorum (2 voll. Lutetiae, 1719-1721) vol. 1 pp. 47, 104-105
- Acta Sanctorum a Sociis Bollandianis edita (Antverpiae, Bruxellis, 1643-1940) vol. 1 Augusti (1733) pp. 635-636 (Textus apud Google Books)
- Annales Ecclesiastici annis 1235 et 1237
- M.-H. Vicaire; Kathleen Pond, interpr. Saint Dominic and his times (Londinii: Darton, Longman and Todd, 1964)