Galfridus Gaimar

Galfridus Gaimar, qui medio saeculo XII floruit, fuit poëta historicus qui Anglonormannice scribebat. Annis ab 1136 ad 1137 L'estoire des Engleis, opus principale, versibus octosyllabicis composuit, fontibus variis utens, inter quos Chronica Anglosaxonica, et Constantia uxore Radulphi Gilberti filii dicavit.

Adseverat Constantiam sibi praebuisse exemplar libri Galfridi Monemutensis, titulo Historia regum Britanniae, a Roberto comiti Glocestriensi mutuatum. Illum librum eisdem annis compositum Galfridus Gaimar usus est ad componendum opus de Bruto Troiano et progenie sua Britannica; hoc opus autem hodie deperditum est.

Notae

Christopher Harper-Bill, Elisabeth van Houts, edd., A Companion to the Anglo-Norman World. Woodbridge: Boydell, 2007. ISBN 978-1-84383-341-3.
Mary Dominica Legge, Anglo-Norman Literature and its Background. Oxonii: Oxford University Press, 1963.
Ian Short, ed. et interpr., Geffrei Gaimar: Estoire des Engleis, History of the English. Oxonii: Oxford University Press, 2009. ISBN 9780199569427.Introductio^{[nexus deficit]}
Ian Short, "Gaimar, Geffrei" in Oxford Dictionary of National Biography edd. H. C. G. Matthew, Brian Harrison (Oxonii: Oxford University Press, 2004) Situs venalis.