Fuʾād Ḥusain

Fuʾād Ḥusain, litteris Arabicis فؤاد حسين (Khanaqin in urbe anno 1946 natus) est politicus Iracae. E populo Curdo ortus, alumnus est universitatis Bagdatensis. Anno 1975, Curdis libertatem quaerentes a regimine Iracensi debellatis, exsilium in Nederlandia petivit. Ibi apud universitatem liberam Amstelodamensem coniunctionibus internationalibus studuit mulieremque Batavam duxit. Apud institutum Curdicum Lutetiae ab anno 1987 operam dedit. Post ruinam Saddami Husseini in patriam reditus iuxta ministerium eruditionis operam dedit, sed ab anno 2005 usque in 2017 consiliariis Masʿūd Barzānī, praesidis Curdistaniae, praefuit. Minister a vectigalibus Iracae a die 25 Octobris 2018 usque ad 7 Maii 2020 meruit. Die 6 Iunii eiusdem anni minister rerum externarum factus est, primo ministro Muṣṭafā al-Kāẓimī, quod officium sub primo ministro Mahometo Shīāʿ al-Sūdānī retinuit.

Fuʾād Ḥusain

Res apud Vicidata repertae:

Fuʾād Ḥusain: imago

Nativitas: 1949; Khanaqin
Patria: Iraca

Nexus externi

• "From the shadows to presidency: Meet Fuad Hussein" (25 Septembris 2018) apud Rûdaw
• "Iraq, Chevron seen signing deal Wednesday: Iraqi foreign minister" (19 Augusti 2020) apud Reuters

Ministri rerum externarum Iracenses (1974–)

Saadun Hammadi 1974 • Taricus ʿAzīz 1983 • Ahmad Hussein Khudayir al-Samarrai 1991 • Mahometus Saeed al-Sahhaf 1992 • Naji Sabri 2001 • Hoshyar Zebari 2003 • Ibrāhīm al-Ǧaʿfarī 2014 • Mahometus ʿAlī al-Ḥakīm 2018 • Fuʾād Ḥusain 2020 Opus geopoliticum • Ministri a rebus externis civitatum Asiaticarum hodiernarum Capsae cognatae: Primi ministri Iracenses