Fricativa bilabialis surda

Fricativa bilabialis surda est consonans oralis labiis articulata, cuius symbolum IPA est φ sive phi. Hae sunt proprietates, quae una fricativam bilabialem surdam ab aliis consonantibus distinguunt:

• Modus articulandi: Fricativa est, quia impetus aëris in meatu vocali adeo impeditur, ut terendi vel fricandi stridor quidam nascatur;
• Locus articulandi: Bilabialis est, quia ambobus labiis phonum efficitur;
• Phonatio: Surda est, quia impetus aëris e pulmonibus eiectus per chordas vocales non vibrantes meat.