Eduardus Winslow Gifford

Eduardus Winslow Gifford (14 Augusti 1887—16 Maii 1959) fuit anthropologus Americanus qui plerumque ethnographiae Indianorum Californiensium studebat cum professor anthropologiae et rector Musei Anthropologiae in Universitate Californiensi Berkeleiensi esset.

De cursu vitae

Gifford, Quercupoli in California natus et in scholis publicis educatus, adiutus ornithologiae curator in Academia Scientiarum Californiensi iuvenis factus est; nullam autem universitatem frequentavit. Curator adiutor in Museo Anthropologiae Universitatis Californiensis anno 1912 creatus est. Annis 1920 iter ad Tongam cum Gulielmo C. McKern, ex Universitate Californiensi, fecit. Qui ambo, cum Arthuro J. Eames botanista Harvardiano unus e quattuor gregibus Expeditionis Bayard Dominick erant.^[1] Gifford solus duos libros de cultura Tongana protulit (1923, 1924).

Gifford curator anno 1925 et professor anno 1945 factus est. Una cum Alfredo L. Kroeber, praestanti anthropologiae Californiensis duce, plus quam centum publicationes protulit. Eius opera ethnographiae conservationis (Anglice salvage ethnography) indigenas Californiae culturas in commentarios librosque rettulerunt. Museum eo curante maior institutio Americana factum est, investigationibus et collectionibus magni momenti favens. Gifford, quamquam minus notus quam Kroeber, scholasticis graduatis^? in Universitate Berkeleiensi aderat, quibus, cum in campo laborarent, litteras consilium dantis saepe misit. Fictile Lapitense primum effodit et appellavit. Paradisi in oppido Californiensi mortuus est, anno aetatis suae septimo primo.

Notae

↑ Te Rangi Hiroa, "The Bayard Dominick Expeditions," in An Introduction to Polynesian Anthropology (Honolulu: Bernice P. Bishop Museum, 1945), 45.

Bibliographia

Foster, George M. 1960. "Edward Winslow Gifford." American Anthropologist 62: 327–29.
Gifford, E. W. 1923. Tongan place names. Bishop Museum Bulletins 6. Honolulu: Bernice Pauahi Bishop Museum.
Gifford, E. W. 1924. Tongan myths and tales. Bishop Museum Bulletins 8. Honolulu: Bernice Pauahi Bishop Museum
Hurtado, Albert L. 1990. "Introduction to the Bison Book Edition." In California Indian Nights, compilato ab Edward W. Gifford et Gwendoline Harris Block, 1–7. Lincolniae: University of Nebraska Press.
Kroeber, A. L., et Edward W. Gifford. Karok Myths. Berkleiae: University of California Press.
Redman, Samuel J. 2015. "Museum tours and the origins of museum studies: Edward W. Gifford, William R. Bascom, and the remaking of an anthropology museum." Museum Mangagement and Curatorship 30 (5).

Nexus externi

Gifford, Edward Winslow. 1917. "Miwok Myths." University of California Publications in American Archeology and Ethnology 12: 283–38.]
Gifford, Edward W., et Robert H. Lowie. 1928 "Notes on the Akwa'ala Indians of Lower California." University of California Publications in American Archeology and Ethnology 23: 338–52.
Edward Winslow Gifford, Anthropology: Berkeley. Calisphere: University of California.
"In Memoriam 1961 (Edward Winslow Gifford)." Universitas Californiensis.

[1] Te Rangi Hiroa, "The Bayard Dominick Expeditions," in An Introduction to Polynesian Anthropology (Honolulu: Bernice P. Bishop Museum, 1945), 45.

[1]