Dioecesis Cantuariensis

Dioecesis Cantuariensis est dioecesis Ecclesiae Anglicanae Cantiam orientalem protegens, quae a Sancto Augustino Cantuariensi anno 597 condita est. Dioecesis Cathedrali Cantuariensi nititur, et est veterrima Ecclesiae Anglianae sedes episcopalis. De politia ecclesiastica, dioecesis in tres archidiaconatus dividitur, quindecim decanatus amplectens:

• in Archidiaconatu Cantuariensi: Cantuaria, East Bridge, Reculver, Thanet, et West Bridge;
• in Archidiaconatu Ashfordiensi: Ashfordia, Dubris, Elham, Romney et Tenterden, Sandwich;
• in Archidiaconatu Maidstone: Maidstone, Downs Septentrionalis, Ospringe, Sittingbourne, et Weald.

Vexillum archidioecesis.

Episcopi

Arma heraldica Archiepiscopi Cantuariensis.

Episcopus dioecesanus est Archiepiscopus Cantuariensis, hodie Iustinus Welby; propter autem eius munera episcopi metropolitani Provinciae Cantuariensis, primas omnis Angliae, et per orbem terrarum faciei Communionis Anglicanae, archiepiscopus (cuius primum domicilium in Palatio Lambethensi Londinii est) saepissime a dioecese abest. Ergo, Episcopus Dubrensis (Trevor Willmott), unus ex eius episcopis suffraganeis, multis modis agere potest paene quasi episcopus dioecesanus sit.

Nexus interni

• Academia Ioannis Wallis, schola Ashfordiae a dioecese sustenta

Nexus externi

• Situs proprius.
• Situs ecclesiae cathedralis.
• Ststiatica Ecclesiae Angliae, 2002.