Dawda Jawara

Dawda Kairaba Jawara (in oppido Barajally Tenda natus die 16 Maii 1924; die 27 Augusti 2019 mortuus), politicus Gambiae, primus praeses huius civitatis electus est.

Dawda Jawara

Res apud Vicidata repertae:

Dawda Jawara: imago

Nativitas: 16 Maii 1924; Barajally
Obitus: 27 Augusti 2019; Fajara
Patria: Gambia

Familia

Coniunx: Chilel Jawara, Augusta Jawara

E familia Mussulmana ortus, apud Methodistas educatus, scholam Achimota Accrae in urbe unum annum frequentavit. Medicinae veterinariae studuit apud universitatem Glasguensem, ubi Cheddi Jagan primum ministrum Guyanae futurum cognovit. Ipse in Gambiam reditus primus minister huius coloniae die 12 Iunii 1962 electus est. Libertate nuper nacta, praeses Gambiae a die 24 Aprilis 1970 usque in 22 Iulii 1994 meruit, quo die depositus est motu militari duce Yahya Jammeh. Dawda Jawara conditor Gambiae liberae reputatus est.

Bibliographia

• Kaye Whiteman, "Sir Dawda Jawara obituary" in The Guardian (30 Augusti 2019)

Principes Gambiae

Ioannes Warburton Paul 1965 • Farimang Mamadi Singateh 1966 • Dawda Jawara 1970 • Yahya Jammeh 1994 • Adama Barrow 2017 Opus geopoliticum • Duces civitatum Africanarum hodiernarum Capsae cognatae: Ministri rerum externarum Gambiani