Culpa

Culpa, ut scribit Aegidius Forcellini, est "labes, macula, noxa, quae ex malefactis oritur, peccantemque reum iacit, ac reprehensione et poena sub iure criminali dignum: item universim delictum, peccatum, omissio officii."

In lege civili distinguuntur lata culpa, levis culpa, ac levissima culpa. Culpa dolo malo, qui calliditatem vel falliciam significat, opponitur.

Culpa, cum peccato coniuncta, est notio magni momenti in pluribus religionibus. Exempli gratia, in prece "Confiteor" missae Catholicae Romanae sacerdos dicit "quia peccavi nimis cogitatione, verbo et opere: mea culpa, mea culpa, mea maxima culpa," sibi pectus ter percutiens.

Locutiones

• "Culpa caret qui scit, sed prohibere non potest."
• "Culpa est immiscere se rei ad se non pertinenti."
• "Culpa lata dolo aequiparatur."
• "Culpa tenet [teneat] suos auctores."

Nexus interni

• Culpa (animi motus)