Glaciatus conus

Glaciatus conus^[2] est gauffra forma coni glacie edibili farta.

Iulianus Archambault anno 1825 gauffras conicas iam descripserat^[3] (an talem gauffram glacie edibili fartam videri potest in imagine coffeariae Frascati Lutetiae anno 1807 a Philiberto Ludovico Debucourt delineata, sicut Robertus Weir proponit, incertum est).^[1] Gauffras conicas amygdalatas, furno coctas, aut cramo aut glacie edibili fartas, primus Carolus Elmé Francatelli anno 1846 praecepit;^[4] post eum Agnes Marshall haud dissimiliter anno 1888.^[5] Accommodatio gauffrarum planarum machina praecoctarum in formam conicam anno 1904 in urbe Sancti Ludovici apud expositionem mundanam Arnoldus Fornachou glaciarius et Ernest Hamwi gauffrarius inter se invenerunt. Machinam ad gauffras conicas uno motu conformandas iam annis 1902 et 1903 Antonius Valvona et Italus Marchiony proposuerant. Primus glaciem edibilem in gauffras conicas mechanice formatas fartam Abraham Doumar inter annos 1904 et 1907 venditavisse censetur: cuius ganea, nomine Doumar's Cones and BBQ, Norfolciae in urbe civitatis Virginiae etiam hodie floret.

Notae

↑ ^1.0 ^1.1 Weir (2004)
↑ Ebbe Vilborg, Norstedts svensk-latinska ordbok, editio secunda, 2009.
↑ ... l'on en forme les gaufres, que l'on peut rouler ou en former des cornets: Julien Archambault, Le Cuisinier économe ou Élémens nouveaux de cuisine, de pâtisserie et d'office (Lutetiae: Librairie du Commerce, 1825) pp. 345-346
↑ They are sometimes also garnished with vanilla cream-ice: Francatelli (1846)
↑ These cornets can also be filled with any cream or water ice: Marshall (1888)

Bibliographia

Praecepta culinaria

1846 : Charles Elmé Francatelli, The Modern Cook (p. 401 apud Google Books)
1888 : Agnes Marshall, Mrs. A.B. Marshall's cookery book pp. 329-330

Nexus externi

Vicimedia Communia plura habent quae ad glaciatos conos spectant.

Robert J. Weir, "An 1807 Ice Cream Cone: Discovery and Evidence" (2003/2004) olim apud Historic Food divulgata
"Ice Cream Cone" apud Made Up in Britain

[Weir_(2004)-1] 1.0 ^1.1 Weir (2004)

[2] Ebbe Vilborg, Norstedts svensk-latinska ordbok, editio secunda, 2009.

[3] ... l'on en forme les gaufres, que l'on peut rouler ou en former des cornets: Julien Archambault, Le Cuisinier économe ou Élémens nouveaux de cuisine, de pâtisserie et d'office (Lutetiae: Librairie du Commerce, 1825) pp. 345-346

[4] They are sometimes also garnished with vanilla cream-ice: Francatelli (1846)

[5] These cornets can also be filled with any cream or water ice: Marshall (1888)

[2]

[1]

[3]

[4]

[5]