Consonans glottidalis

Consonans glottidalis est genus phoni cuius pronuntiatio in glottide tantum elaboratur nec supraglottidaliter efficitur (coarticulatione inevitabili excepta). Si rima glottidis brevi momento clauditur, dein subito aperitur, consonans muta sive clusilis efficitur. Sin autem glottis adeo aperta est, ut adspiratio quaedam audiri possit, id consonantis glottidalis genus nascitur, quod inter fricativas numerari soleat.

In Abecedario Phonetico Internationali (API) tres consonantes glottidales enumerantur:

API	Descriptio	Exemplum
		Lingua	Scriptio	Pronuntiatio	Sensus
[ʔ]	Clusilis glottidalis	Lingua Võro	kalaq	['kalaʔ]	'pisces'
[ɦ]	Fricativa glottidalis sonora	Lingua Batava	huis	['ɦœys]	'casa'
[h]	Fricativa glottidalis surda	Lingua Finnica	haava	['ha:va]	'vulnus'