Comitia Regni Britanniarum anni 2010
Comitia ad legatos eligendos Camerae Communium, scilicet camerae inferioris Parlamenti Regni Britanniarum, die 6 Maii 2010 habita sunt. Populus ad comitia convocatus est die 6 Aprilis 2010; legatos sessionum parlamentariarum praecedentium die 12 Aprilis dimissi sunt ad comitia paranda.
Factio Conservativa numerum maiorem legatorum nacta est, sed maioritati absolutae (scilicet 326 legatorum ex 650) defuit; rarissime sessio Parlamenti Britannici sine maioritate incepta est, recentissime anno 1974,[1] bis, nec plus, post secundum bellum mundanum.
Petitiones
recensere
Factio Laboris, gubernio Regni Britanniarum per tres quinquennia possesso, quartum lustrum vincere ambivit.[2] Factio Conservativa, annis fere 1990-2000 a populo spreta, ad potestatem tandem redire voluit. Factio Liberalis Democratica, cathedras antea aliis factionibus nactas sperans vincere, in parlamento futuro maioritati carente libramentum regere ambivit; dux huius factionis, Nicolaus Clegg, melius ac alii in contentionibus televisificis ludens, gubernii particeps se figurabat,[3] sed diebus petitionum ultimis popularitatem eius paullatim recedisse censebatur, vocibus Conservativorum 36%, factionis Laboris 28%, Liberalium 27% praedictis.[4][5] Permulti autem vocibus incertis usque ad diem comitiorum manebant.[6]
[7] Inter factiones minores et regionales Factio Nationalis Scotica, recentius in Comitiis Scoticis 2007 victores, et ipsi libramentum gerere sperabant.[8] Plaid Cymru (factio nationalis Cambrica) et Factio Democratica Unionista protestantium Hiberniae Septentrionalis numerum legatorum increscere volebant. Factio Independentia, Factio Viridis, Factio Nationalis Britannica, bonum successum e Comitiis Europaeis 2009 reportantes, etiam in Parlamento Britannico intrare sperabant.
Gordonus Brown, ab anno 2007 primus minister et legatorum Laboris princeps, Antonio Blair successor, nunc primum se comitiis parlamentariis ut dux factionis submiserit; talia de David Cameron, factionis Conservativae ab anno 2005 dux, talia et de Nicolao Clegg dici possunt, qui Liberalibus Democraticis anno 2007 exeunte praepositus est. Die 12 Aprilis 2010 Gordonus Brown reginae Elizabeth II petivit ut parlamentum dissolveret, comitia die 6 Maii (post quinque annos unumque diem comitiis 2005) promittens.[9] Parlamento rite die 12 Aprilis dissoluto petitiones inceptae sunt. Libelli petitionis electionisque usque ad diem 20 Aprilis accepti sunt. Petitiones die 5 Maii [10] Die 18 Maii sessio renovata Parlamenti Britannici congressa erit et die 25 Maii a regina rite aperta.
Summatio vocum
recensereNotae
recensere- ↑ "Britain wakes up to a hung Parliament". The Times. 7 Maii 2010
- ↑ "Brown would 'renew' Labour Party". BBC News Online. 5 Januarii 2007
- ↑ "Election 2010: Lib Dem policies targeted by rivals". BBC News Online. 19 Aprilis 2010
- ↑ Wells, Anthony (6 Maii 2010). "Final poll of the campaign". UK Polling Report
- ↑ "Tories scent victory as poll lead widens". The Times. 6 Maii 2010
- ↑ "UK: Brown woos undecided voters". Financial Times. 5 Maii 2010
- ↑ Jefferson, Rodney; Robert Hutton (27 Aprilis 2010). "Brown Placing Third May Win Most Seats as Undecided Hold Key". Bloomberg.com
- ↑ "Salmond wants Westminster to 'dance to a Scottish jig' as he targets 20 seats". The Scotsman. 21 Aprilis 2008
- ↑ "Gordon Brown calls 6 May general election". BBC News. 6 Aprilis 2010
- ↑ "Research Paper 07/31: Election Timetables". House of Commons Library
- ↑ 11.0 11.1 "Election 2010 Results". BBC News. 7 Maii 2010
Nexus externi
recensere- Comitia Regni Britanniarum 2010 e situ Politics Science Resources
- De candidatis apud diarium The Daily Telegraph
- Programmata factionum principalium
- Factio Conservativa: Invitation to join the government of Britain
- Factio Laboris: A future fair for all
- Factio Liberalis Democratica: Change that works for you/Building a fairer Britain
- Factio Democratica Unionista: Let's Keep Northern Ireland Moving Forward
- Plaid Cymru: Think Different. Think Plaid.
- Factio Verecundia: Homes, Jobs and Peace, Manifesto for a Hung Parliament
- Factio Nationalis Scotica: Elect a local champion.[nexus deficit]
- Sinn Fein: 2010 Westminster Election Manifesto
- Factio Socialis Democratica et Laboris: For Your Future
- Conservativi et Unionistae Ultonienses: Invitation to join the government of the United Kingdom
- De circulis comitialibus