Collegium invisibile
Collegium invisibile[1] saeculo septimo decimo societes eruditorum et litterarum peritorum vocabantur, quarum sodales eodem loco non erant sed litteras mittebant ut inventiones suas alius alio nuntiarent. Ita mathematici, astronomi, geographici tota in Europa dispersi res naturales communiter investigare potuerunt.
Exempli gratia, in Britannia, Robertus Boyle, Ioannes Wilkins, Ioannes Wallis, Ioannes Evelyn, Robertus Hooke, Christophorus Wren, et Gulielmus Petty (oeconomicus) eius modi societatem Anglice Invisible College vocatam formabant.[1] Sodales huius societatis experimentis naturam investigare voluerunt. Ex hac societate denique Regalis Societas Londini exorta est.
